تۇركيادا بولعان ەكى جويقىن جەر سىلكىنىسىنەن كەيىن 16 كۇن ءوتتى. جەرگىلىكتى قۇتقارۋشىلار قيراعان ۇيدە 16 كۇن بويى تۇرعان 90 جاستاعى كەيۋانا مەن ونىڭ 70 جاستاعى ۇلىن تاۋىپ, قاۋىپسىز جەرگە كوشىرگەن, دەپ حابارلايدى Egemen.kz.
حانيفي اكگيۋن مەن گۋللۋ اكگيۋن مالاتيا قالاسىندا ورنالاسقان 14 قاباتتى عيماراتتىڭ 11-قاباتىندا تۇرعان. جەر سىلكىنىسى بولعان كەزدە ولار دەنساۋلىعىنا بايلانىستى پاتەردەن شىعا الماعان. قۇتقارۋشىلار قيراعان ۇيدە ادامداردىڭ بارىن ءبىلىپ, اناسى مەن ۇلىن ەۆاكۋاتسيالاعان. حانيفي اكگيۋن قيىن جاعدايعا قاراماستان, ناۋقاس اناسىنا ەكى اپتا بويى كۇتىم جاساعانىن ايتتى.
ەسكە سالا كەتسەك, 6 اقپاندا تۇركيانىڭ وڭتۇستىك-شىعىسىندا 7,7 جانە 7,6 باللدىق ەكى جويقىن جەر سىلكىنىسى بولدى. سوڭعى مالىمەتتەر بويىنشا, تابيعي اپات سالدارىنان 42 مىڭنان استام ادام قايتىس بولعان.