2022 جىلدىڭ قىركۇيەك ايىنان باستاپ وسى جىلدىڭ 20-شى اقپانىنا دەيىن الماتى جانە استانا قالالارىندا 6 جۋرناليست پەن بلوگەرگە, سونداي-اق ولاردىڭ قىزمەتىنە بايلانىستى 1 ادامعا بىرقاتار قۇقىقبۇزۋشىلىق ارەكەت جاسالعان, دەپ حابارلايدى Egemen.kz اقدم ءباسپاسوز قىزمەتىنە سىلتەمە جاساپ.
جابىرلەنۋشىلەرگە قاتىستى جىلجىمايتىن م ۇلىككە قاساقانا زاقىم كەلتىرۋ, اۆتوموبيلدەردى ورتەۋ, ولاردى قورقىتۋ فاكتىلەرى, جابىرلەنۋشىلەردىڭ مەكەنجايلارى بويىنشا تەرروريزم اكتىسى تۋرالى جالعان حابارلامالار جانە ينتەرنەت جەلىسىندە دەربەس (جەكە) دەرەكتەردى تاراتۋ فاكتىلەرى جاسالدى.بۇل قىلمىستاردى اشۋ ءۇشىن ارنايى ۆەدومستۆوارالىق جەدەل-تەرگەۋ توبى قۇرىلدى. قر قىلمىستىق كودەكسىنىڭ 115 (قاۋىپ), 147 (جەكە ءومىر تۋرالى مالىمەتتەردى تاراتۋ), 158 (جۋرناليستىك قىزمەتكە كەدەرگى جاساۋ), 202 (بوتەننىڭ مۇلكىن قاساقانا جويۋ), 293 (بۇزاقىلىق) باپتارى بويىنشا 20 قىلمىستىق ءىس قوزعالىپ, تەرگەلۋدە.قازىرگى ۋاقىتتا اتالعان بارلىق فاكتىلەر اشىلىپ, قىلمىس جاساۋعا قاتىسى بار 18 ادام ۇستالدى.دالەلدەمەلىك بازانى بەكىتۋ بويىنشا قاجەتتى تەرگەۋ, جەدەل ءىس-قيمىل امالدارى جۇرگىزىلىپ جاتىر.