دابىل باتىرماسى جوق كولىككە جول اشىق

ەاەو ەلدەرىنىڭ اۋماعىنا اكەلىنەتىن N جانە M (جۇك جانە جولاۋشى) ساناتىنداعى جەكە اۆتو­كولىكتى شۇعىل جانە جەدەل قىز­مەتتەردى شاقىرۋ قۇرىل­عى­لارىمەن (SOS باتىرماسىمەن) جاراقتاندىرۋ جونىندەگى تا­لاپتار كەدەن وداعىنىڭ تەح­­نيكالىق رەگلامەنتىندە ايقىن­­دالعان. 2024 جىلعى 1 اقپانعا دەيىن ەاەو ەلدەرى­نىڭ وسى سا­ناتتاعى كولىك قۇرال­دا­رى­نىڭ رەسمي يمپورتتاۋشىلارى مەن وندىرۋشىلەرى وسى مىن­دەت­تە­مە­لەر­دەن بوساتىلعان بولاتىن.

اۆتوكولىك يەلەرىنىڭ قوندىر­عىنىڭ قىمباتتىعىنا (شىعا­رىل­عان جىلىنا بايلانىستى كەدەندىك تازارتۋ قۇنىنىڭ شامامەن  25%-ى), ميكروسحەمالاردىڭ تاپشىلىعىنا جانە SOS تۇيمە­لە­رىن دايىنداۋعا ارنالعان جيىن­­تىقتاۋىشتاردىڭ بول­ماۋى­نا قاتىستى وتىنىشتەرى نا­زار­عا الىنىپ, قازاقستاندىق تاراپ مىندەتتى جاراقتاندىرۋ مەرزىمىن ءبىر جىلعا ۇزارتۋ ماسە­لە­سىن كوتەرگەن. ەەك كەڭە­سى­نىڭ مۇشەلەرى بۇل ۇسىنىستى ءبىر­اۋىز­دان قولدادى. ەندى ەاەو ەل­دەرىنىڭ اۋماعىنا ءوز قاجەت­تى­لىكتەرى ءۇشىن اكەلىنەتىن M جانە N ساناتتاعى كولىك قۇرالدارى 2024 جىلعى 1 اقپانعا دەيىن شۇعىل جانە جەدەل قىزمەتتەردى شاقىرۋ جۇيەلەرىمەن مىندەتتى جاراقتاندىرۋ تالابىنان بوساتىلادى. ياعني قازاقستاندا SOS با­تىرماسى جوق كولىكتى 2024 جىلعى 1 اقپانعا دەيىن تىركەي بەرۋ­گە بولادى.

«سونىمەن قاتار وزدىگىنەن جۇرەتىن ماشينالار مەن باسقا دا تەحنيكانىڭ قاعاز پاسپورتتارىن ەلەكتروندىق تۇرىنە اۋىستىرۋ ءۇشىن تاعى ءبىر ۇزارتۋ جاسالدى. ەەك كەڭەسىنىڭ 2023 جىلعى 25 قاڭ­تارداعى تاپسىرماسى بو­يىن­شا ءى جارتىجىلدىقتا ەلەك­تروندىق پاسپورتتار جۇيە­لە­رىنىڭ جاڭا ارحيتەكتۋراسىن جانە ەاەو-عا مۇشە مەملەكەتتەر جۇيەلەرى اراسىنداعى اق­پاراتتىق ءوزارا ءىس-قيمىل الگو­ريت­مىن ازىرلەۋ قاجەت. ال 2022 جىلى بەلگىلەنگەن وتپەلى كەزەڭ مەرزىمى 2023 جىلعى 1 ساۋىردە اياقتالادى. وسىلايشا, بۇرىن قابىلدانعان شەشىمدەر ەاەو اۋماعىندا وزدىگىنەن جۇرەتىن جانە باسقا دا تەحنيكانىڭ اينالىس ەركىندىگىنە اسەر ەتپەۋى ءۇشىن ەەك كەڭەسى 2023 جىلعى 30 ماۋسىمعا دەيىن ەلەكتروندىق پاسپورتتاردى رەسىمدەۋ بويىن­شا وتپەلى كەزەڭنىڭ اياقتالۋ مەر­زى­مىن اۋىستىرۋ تۋرالى شەشىم قابىلدادى», دەلىنگەن ۇكىمەت سايتىنداعى حابارلامادا.

مەملەكەت العاش رەت جەكە تۇلعالارعا ءوزى پايدالانۋ ءۇشىن SOS باتىرماسى جوق ماشينا اكەلۋگە 2022 جىلى رۇقسات ەتكەن بولاتىن. ونىڭ مەرزىمىن 2023 جىلعى 1 اقپانعا دەيىن دەپ بەلگىلەدى. الايدا جەڭىلدىك ەندى تاعى ۇزارىپ وتىر. وندىرۋشىلەر مەن ديللەرلەرگە مۇنداي رۇقسات ودان بۇرىن بەرىلدى.

دابىل باتىرماسى شۇعىل جاع­دايلاردا قاجەت بولادى. وپە­راتور سپۋتنيك جۇيەسىنىڭ كو­مە­گىمەن اۆتوكولىكتىڭ ورنا­لاس­قان جەرى تۋرالى, سونداي-اق ونىڭ ماركاسى, مودەلى, بىرەگەي ءنومىرى, وتىن ءتۇرى, كلاسى تۋرالى اقپارات الادى. مۇنىڭ ءبارى شۇعىل قىزمەت وكىلدەرىنىڭ وقيعا ورنىنا جەدەل جەتۋى ءۇشىن كەرەك.