استانا. 20 ماۋسىم. اقتوبە وبلىسىنىڭ اكىمى ارحيمەد مۇحامبەتوۆتىڭ وكىمىمەن وبلىستىق دەنساۋلىق ساقتاۋ باسقارماسىنىڭ باسشىسى بولىپ اسەت اسكەر ۇلى قاليەۆ تاعايىندالدى. بۇل تۋرالى «قازاقپارات» حابارلادى.
اسەت قاليەۆ 1974 جىلى تۋعان. اقتوبە مەملەكەتتىك مەديتسينا اكادەمياسىن دارىگەر ماماندىعى بويىنشا بىتىرگەن. ەڭبەك جولىن 1997 جىلى كلينيكالىق ورديناتور, ودان كەيىن گوسپيتالدىق حيرۋرگيا كافەدراسىنىڭ اسپيرانتى بولىپ باستاعان. كەيىننەن جەدەل مەديتسينالىق جاردەم اۋرۋحاناسىنىڭ حيرۋرگيالىق ءبولىمىنىڭ مەڭگەرۋشىسى قىزمەتىن اتقاردى. 2008 جىلعى ساۋىردەن باستاپ ەمدەۋ-پروفيلاكتيكالىق جۇمىس ءبولىمىنىڭ باس مامانىنان وسى ءبولىمنىڭ باسشىسى لاۋازىمىنا دەيىن كوتەرىلىپ, وبلىستىق دەنساۋلىق باسقارماسىندا ەڭبەك ەتكەن. 2013 جىلعى قاڭتاردان باستاپ وسى تاعايىنداۋعا دەيىن وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بولدى.
جولدىباي بازار.
دەرەككوز: «قازاقپارات».
فوتو: uziter.com.