16 اقپاندا وتكەن سەنات وتىرىسىندا ساۋدا جانە ينتەگراتسيا ءمينيسترى سەرىك جۇمانعارين ەلدەگى ينفلياتسيانى تەجەۋ ماقساتىندا قابىلدانىپ جاتقان شارالار جايىن تارقاتتى, دەپ حابارلايدى Egemen.kz.
ول حالىقتىڭ ينفلياتسيالىق بولجامى تاۋارلار مەن ازىق-ت ۇلىك قۇنىنا ءبىرشاما اسەر ەتەتىنىن مالىمدەدى.
«قازىر بۇل سالادا ارەكەت ەتەتىن بىردەن-ءبىر تەندەنتسيا - حالىقتىڭ ينفلياتسيالىق بولجامى. باسقا ەشتەڭە جوق. ال ونى ساۋداگەرلەر, ساتۋشىلار پايدالانادى, باعانى ۇنەمى كوتەرىپ وتىرادى. سوندىقتان ءبىز قازىر بۇل ءونىم ماسساسىن 704 ساۋدا ورنى ارقىلى تاراتىپ جاتىرمىز. مىندەتتى تۇردە كاسساسى بار ساۋدا نۇكتەلەرىندە باعا باقىلانادى, ءبىزدىڭ ساۋدا بولىمشەلەرى باعانى كۇنىنە ءۇش رەت تۇسىرەدى, باقىلايدى. ساپاسى جاقسى پيازدى 130 تەڭگەدەن ساتادى. ونى قاپتاپ ساتىپ الۋدىڭ قاجەتى جوق. بۇرىنعىداي ءبىر-ەكى كەلى ساتىپ الۋعا بولادى. قازىر كۇرىشتىڭ باعاسىن ءتۇسىرىپ جاتىرمىز, مەموراندۋمعا قول قويدىق. الاڭداۋعا ەش نەگىز جوق», دەپ قوستى مينيستر.
جۇمانعارين اتاپ وتكەندەي, ساۋدا جانە ينتەگراتسيا مينيسترلىگىنىڭ باستى مىندەتى – تاپشىلىقتىڭ الدىن الۋ, باعانى تۇراقتاندىرىپ, تومەندەۋ ءۇردىسىن قۇرۋ.