«كۇمىس جاس» جوباسى بويىنشا قانشا ادام جۇمىسپەن قامتىلدى؟

بۇل جوبا 2022 جىلى كاسىپكەرلىكتى دامىتۋ جونىندەگى 2021-2025 جىلدارعا ارنالعان ۇلتتىق جوبا شەڭبەرىندە ىسكە قوسىلدى.

جۇمىسقا ورنالاسقانداردىڭ ەڭ كوپ سانى الماتى (570 ادام), تۇركىستان (516 ادام) جانە قاراعاندى (322 ادام) وبلىستارىندا بايقالادى.

«2023 جىلعى 1 قاڭتاردان باستاپ جوبانى ىسكە اسىرۋ قاعيدالارىنا وزگەرىستەر ەنگىزىلدى. ەندى وعان 50 جاسقا تولعان ادامدار قاتىسا الادى. بۇل رەتتە مەملەكەتتەن جۇمىس بەرۋشىگە جۇمىسقا ورنالاستىرىلعان جوباعا قاتىسۋشىلاردىڭ جالاقىسىنىڭ بەلگىلەنگەن مولشەرىنىڭ 60-تان 70%-نا دەيىن, بىراق 30 ايلىق ەسەپتىك كورسەتكىشتەن اسپايتىن مولشەردە سۋبسيديالار تولەنەدى.

- «كۇمىس جاس» جوباسىنا قاتىسۋ ۇزاقتىعى - 36 اي. وسىدان كەيىن جۇمىس بەرۋشى «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭدا بەلگىلەنگەن زەينەتكەرلىك جاسقا تولماعان ادامدى كەمىندە 1 جىل مەرزىمگە, ال زەينەتكەرلىك جاسى الدىنداعى (58 جاستان اسقان) ادامدى زەينەتكەرلىككە شىققانعا دەيىن تۇراقتى جۇمىس ورنىنا ورنالاستىرادى», - دەپ حابارلادى قر ەحاقم حالىقتى جۇمىسپەن قامتۋ دەپارتامەنتى ديرەكتورىنىڭ ورىنباسارى ايجان جاپالباەۆا.

وتكەن جىلدىڭ باسىنان بەرى وسى جوبانى جەرگىلىكتى جەرلەردە ىسكە اسىرۋدىڭ قاتىسۋشىلار تاراپىنان عانا ەمەس, سونىمەن قاتار جۇمىس بەرۋشىلەردەن دە وڭ مىسالدارى ايتىلدى.

«مەن قوعامدىق تاماقتاندىرۋمەن اينالىسامىن, مەنىڭ «مينۋتكا» اسحانام اۋليەكولدىڭ ورتالىعىندا ورنالاسقان. جۇمىسپەن قامتۋ ورتالىعىنىڭ ماماندارى جۇمىس بەرۋشىلەرمەن كەزدەسۋ ۇيىمداستىرىپ, وندا مەملەكەت سۋبسيديالايتىن جۇمىس ورىندارى تۋرالى ايتىپ بەردى, مەن «كۇمىس جاس» جوباسىنا قىزىعۋشىلىق تانىتتىم, ءوتىنىم بەردىم. ال 1 اقپاننان باستاپ ماعان 2 ايەل جىبەرىلدى - ليۋدميلا رايزەر مەن سۆەتلانا مايور. مەن مەملەكەتتەن جۇمىس بەرۋشىلەر دە, 50 جاستان اسقان, جۇمىس تابۋ قيىنىراق ادامدار دا قولداۋ الاتىنىنا قۋانىشتىمىن», دەپ ءبولىستى ءوز ويىمەن جەكە كاسىپكەر قارلىعاش راحماتۋللينا.