استانا. 19 ماۋسىم. اقمولا وبلىسنىڭ اكىمى سەرگەي كۋلاگيننىڭ وكىمىمەن جانە اۋداندىق ءماسليحات دەپۋتاتتارى كەلىسىمىنىڭ نەگىزىندە اندرەي نيكولاەۆيچ نيكيشوۆ اتباسار اۋدانىن باسقاراتىن بولدى. بۇل تۋرالى akmo.gov.kz حابارلادى.
اندرەي نيكولاەۆيچ 1969 جىلى بۇرىنعى تسەلينوگراد وبلىسى تسەلينوگراد اۋدانى كيروۆ اتىنداعى كەڭشاردا تۋعان. جوعارى ءبىلىمدى. تسەلينوگراد اۋىلشارۋاشىلىق ينستيتۋتىن, قازتۇتىنۋوداعىنىڭ قاراعاندى ەكونوميكالىق ۋنيۆەرسيتەتىن بىتىرگەن. مال دارىگەرى عىلىمىنىڭ كانديداتى.
ەڭبەك جولىن 1990 جىلى تسەلينوگراد قالاسى «پريما» كووپەراتيۆتىك عىلىمي-ءوندىرىس بىرلەستىگىنىڭ مال دارىگەرلىك سانيتارى بولىپ باستاعان.
ءار جىلدارى تسەلينوگراد اۋداندىق مال دارىگەرلىك ستانتسياسى باستىعىنىڭ ورىنباسارى, اقمولا وبلىسى مال دارىگەرلىك كوميتەتىنىڭ مامانى, اقمولا وبلىسى مال دارىگەرلىك باقىلاۋ باسقارماسىندا باسشى قىزمەتتەرىن اتقاردى.
1999 جىلعى قازان مەن 2002 جىلعى ءساۋىر ارالىعىندا اۋىل شارۋاشىلىعى مينيسترلىگىنىڭ اقمولا وبلىستىق اۋماقتىق باسقارماسىنىڭ ءبولىم باستىعى – اقمولا وبلىسىنىڭ باس مال دارىگەرلىك ينسپەكتورى بولىپ جۇمىس ىستەگەن.
2002 جىلعى ساۋىردەن باستاپ اۋىل شارۋاشىلىق مينسترلىگىنىڭ اقمولا وبلىستىق اۋماقتىق باسقارماسى باستىعىنىڭ ورىنباسارى, باستىعى بولىپ قىزمەت اتقاردى.
2004 جىلدىڭ ناۋرىزىنان باستاپ 2007 جىلعى قىركۇيەك ارالىعىندا اقمولا وبلىسى ەگىندىكول اۋدانىنىڭ, 2007 جىلعى قىركۇيەك پەن 2008 جىلعى ناۋرىز ارالىعىندا كوكشەتاۋ قالاسىنىڭ اكىمى, 2008 جىلعى ناۋرىز بەن 2012 جىلعى تامىز ارالىعىندا ستەپنوگورسك قالاسىنىڭ اكىمى بولدى.
سوڭعى جىلدارى كاسىپكەرلىكپەن شۇعىلداندى. «قۇرمەت» وردەنىنىڭ يەگەرى.
جولدىباي بازار.
دەرەككوز: akmo.gov.kz.
فوتو: nevizv.ru.