تۇركياداعى اپاتتار جانە توتەنشە جاعدايلاردى باسقارۋ باسقارماسىنىڭ جاڭارتىلعان مالىمەتتەرىنە ساي, تۇركيانىڭ كاحرامانماراش قالاسىندا بولعان جەر سىلكىنىسىنەن زارداپ شەككەندەردىڭ سانى 31 643 بولدى, دەپ حابارلايدى Egemen.kz Anadolu اگەنتتىگىنە سىلتەمە جاساپ.
وتكەن دۇيسەنبىدە, 6 اقپاندا كاحرامانمارادا ەپيتسەنترى جەتى بالدان اساتىن ەكى جەر سىلكىنىسى بولدى (جەرگىلىكتى ۋاقىت بويىنشا 04:17-دە – 7,7 بالل جانە 13:24 – 7,6 بالل). جۇزدەگەن جەراستى دۇمپۋلەرى ەلدىڭ 10 پروۆينتسياسىندا, سونداي-اق كورشىلەس مەملەكەتتەردە, سونىڭ ىشىندە سيريادا دا سەزىلگەن.
پرەزيدەنت رەجەپ تايىپ ەردوعان تابيعي اپات قۇرباندارىنا بايلانىستى تۇركيادا جەتى كۇندىك ۇلتتىق ازا تۇتۋ كۇنىن جاريالادى. تۇركيانىڭ مەملەكەتتىك تۋى تومەن ءتۇستى.
جويقىن جەر سىلكىنىسى كورشىلەس ەلدەردە, سونىڭ ىشىندە سيريا, ليۆان, سولتۇستىك كورەيا, كيپردە جانە يراكتا دا سەزىلدى.