سينوپتيكتەردىڭ بولجاۋىنشا, الداعى ءۇش كۇندە قازاقستاندا قار جاۋادى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
«اتلانتيكالىق تسيكلون قازاقستان اۋماعى بويىنشا باتىستان شىعىسقا قاراي اۋىسادى, وسىعان بايلانىستى جۇمىس اپتاسىنىڭ باسىندا بۇلتتى بولادى. ەلىمىزدە كوكتايعاق كۇتىلەدى», دەلىنگەن حابارلامادا.
سينوپتيكتەردىڭ بولجاۋىنشا, 16 اقپاندا تۇركىستان, جامبىل وبلىستارىندا قاتتى جاۋىن-شاشىن (جاڭبىر, قار) جاۋادى. تەك رەسپۋبليكانىڭ سولتۇستىگىندە جوعارى قىسىمدى ءورىستىڭ اسەرىنەن جاۋىن-شاشىنسىز اۋا رايى ساقتالادى. باتىستا, وڭتۇستىكتە كەي جەرلەردە جەل كۇشەيەدى. تەمپەراتۋرا فونىندا ايتارلىقتاي وزگەرىستەر كۇتىلمەيدى.