ەلباسى نۇرسۇلتان نازارباەۆ بايلانىس جانە اقپارات اگەنتتىگىنىڭ توراعاسى اسقار جۇماعاليەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ا.جۇماعاليەۆ مەملەكەت باسشىسىنا اگەنتتىكتىڭ قازىرگى جۇمىسى, سونداي-اق, وتاندىق اقپارات كەڭىستىگىن «اقپاراتتىق قازاقستان-2020» مەملەكەتتىك باعدارلاماسىنداعى مىندەتتەردى جۇزەگە اسىرۋدى ەسكەرە وتىرىپ دامىتۋ جوسپارلارى تۋرالى باياندادى.
نۇرسۇلتان نازارباەۆ وكىلەتتىگى مەن قۇرىلىمى ايقىندالعان اگەنتتىكتىڭ تولىققاندى قىزمەتىنە كىرىسكەنىن جانە ونىڭ الدىنا قويىلعان ماڭىزدى ءمىندەتتەردى ءتيىمدى شەشۋى تيىستىگىن اتاپ ءوتتى.
اگەنتتىك توراعاسى بايلانىس جانە اقپارات سالاسىنداعى احۋال, مەملەكەتتىك باق-تاردىڭ جۇمىسى, مەديا-نارىقتى ىنتالاندىرۋ جانە كونتەنت ساپاسىن ارتتىرۋ شارالارى تۋراسىندا ايتتى. سونىمەن قاتار, ول ينتەرنەت جەلىسىنىڭ وتاندىق سەگمەنتىنىڭ دامۋى مەن ساندىق ەفيرلىك تەلەۆيزيانى ەنگىزۋ تۋرالى اڭگىمەلەدى.
كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرمالار بەردى.