ەلىمىزدىڭ توعىز وڭىرىندە اۋا رايىنا بايلانىستى ەسكەرتۋ جاريالاندى

سينوپتيكتەردىڭ مالىمەتىنشە, الماتى وبلىسىنىڭ سولتۇستىك, وڭتۇستىك جانە تاۋلى اۋداندارىندا قاتتى جاۋىن-شاشىن بولادى, قالىڭ قار جاۋادى. وبلىستىڭ باتىسىندا, تاۋلى اۋداندارى مەن تاۋ بوكتەرىندە وڭتۇستىك باتىستان سولتۇستىك باتىسقا ويىسا سوققان جەلدىڭ ەكپىنى 15-20 م/س, كەي تۇستا 23-28 م/س دەيىن جەتەدى.

قوناەۆتا وڭتۇستىك باتىستان سوققان جەلدىڭ ەكپىنى 15-20 م/س بولادى دەپ كۇتىلەدى. 

اقتوبە وبلىسىنىڭ باتىسىندا تۇمان تۇسەدى. كۇندىز وبلىستىڭ سولتۇستىگىندە سولتۇستىك باتىس باعىتتان سوققان جەلدىڭ ەكپىنى 20 م/س دەيىن جەتەدى.

اباي اۋدانىنىڭ وڭتۇستىگىندە جانە ورتالىعىندا قالىڭ قار تۇسەدى, جاياۋ بۇرقاسىن جۇرەدى. تۇندە وبلىستىڭ وڭتۇستىگىندە تۇمان بولادى. كۇندىز وبلىستىڭ شىعىسىندا, وڭتۇستىگىندە باتىستان, سولتۇستىك باتىستان سوققان جەلدىڭ ەكپىنى 15-20 م/س قۇرايدى.

شىعىس قازاقستان وبلىسىنىڭ سولتۇستىگى مەن شىعىسىندا قالىڭ قار ءتۇسىپ, بوران بولادى. تۇندە وبلىستىڭ سولتۇستىگى مەن وڭتۇستىگىندە تۇمان تۇسەدى. كۇندىز وبلىستىڭ وڭتۇستىگىندە سولتۇستىك باتىستان, باتىستان 15-20 م/س جىلدامدىقپەن جەل سوعادى.

جەتىسۋ اۋدانىنىڭ وڭتۇستىگى مەن تاۋلى اۋداندارىندا قالىڭ قار جاۋادى. وبلىستىڭ ورتالىعىندا, سولتۇستىگىندە, شىعىسىندا جاياۋ بۇرقاسىن جۇرەدى, ءوڭىردىڭ وڭتۇستىگى مەن تاۋلى ايماقتارىندا كوكتايعاق بولادى.

وبلىستىڭ ورتالىعىندا, سولتۇستىگىندە, شىعىسىندا وڭتۇستىك باتىستان سوققان جەلدىڭ ەكپىنى 15-20 م/س, كەي تۇستا 25 م/س جەتەدى. تالدىقورعاندا تۇندە جانە تاڭەرتەڭ جاياۋ بۇرقاسىن جۇرەدى. وڭتۇستىك باتىستان سوققان جەلدىڭ تۇندە ەكپىنى 15-20 م/س قۇرايدى.

قوستاناي وبلىسىنىڭ باسىم بولىگىندە قار جاۋادى. وبلىستىڭ سولتۇستىگىندە, باتىسىندا جاياۋ بۇرقاسىن جۇرەدى. تۇندە جانە تاڭەرتەڭ وبلىستىڭ شىعىسىندا تۇمان بولادى. وبلىستىڭ سولتۇستىگىندە, باتىسىندا سولتۇستىك باتىستان 20 م/س جىلدامدىقپەن جەل سوعادى.

تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە, شىعىسىندا جانە ورتالىعىندا, سونداي-اق ورال قالاسىندا دا تۇمان بولادى دەپ كۇتىلەدى.

سولتۇستىك قازاقستان وبلىسىنىڭ باسىم بولىگىندە قار جاۋادى. وبلىستىڭ باتىسىندا, سولتۇستىگىندە جانە وڭتۇستىگىندە جاڭبىر جاۋادى دەپ كۇتىلەدى. وبلىستىڭ باتىسىندا, سولتۇستىگىندە جانە وڭتۇستىگىندە وڭتۇستىك باتىستان, باتىستان 15-20 م/س جىلدامدىقپەن قاتتى جەل سوعادى دەپ بولجانادى.

تۇندە جانە تاڭەرتەڭ پاۆلودار وبلىسىنىڭ سولتۇستىك-شىعىسىندا, سونداي-اق پاۆلودار قالاسىندا دا تۇمان بولادى.