قازاقستان سينوپتيكتەرى الداعى ءۇش كۇنگە ارنالعان اۋا رايى بولجامىن ۇسىندى. بولجامعا سايكەس, ەلدىڭ باسىم بولىگىندە قاتتى جاۋىن-شاشىن, كوكتايعاق جانە تۇمان كۇتىلەدى, دەپ حابارلايدى Egemen.kz.
«قازگيدرومەت» رمك ءباسپاسوز قىزمەتى حابارلاعانداي, قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتى ساقتالادى.
«9 اقپاندا ەلدىڭ وڭتۇستىگى مەن وڭتۇستىك-شىعىسىندا قاتتى جاۋىن-شاشىن كۇتىلەدى, ال 10 اقپاندا قاتتى قار جاۋادى. سونداي-اق اتالعان وڭىرلەردە كوكتايعاق بولادى دەپ بولجانىپ وتىر», دەلىنگەن حابارلامادا.
سونداي-اق رەسپۋبليكا بويىنشا تۇمان, تومەن قارلى بوران جانە جەلدىڭ كۇشەيۋى كۇتىلەدى.
«11 اقپاندا وڭتۇستىك پەن وڭتۇستىك-شىعىستا جاۋىن-شاشىن بىرتىندەپ توقتايدى, دەسە دە تۇندە اۋا تەمپەراتۋراسى -8-21 گرادۋس ايازعا دەيىن تومەندەيدى», دەلىنگەن مامانداردىڭ بولجامىندا.