بۇگىن جەڭىلدەتىلگەن اۆتونەسيە الۋعا ءوتىنىم قابىلداۋ باستالادى

وتىنىشتەر 6 اقپاندا استانا ۋاقىتى بويىنشا ساعات 10.00-دە autonesie.kz رەسمي سايتىندا قابىلدانادى. قاناتقاقتى پلاتفورمانى العاش ىسكە قوسقان كەزدە 761 ۇمىتكەرگە دەيىن تىركەلە الادى. وسى سانعا جەتكەندە, پلاتفورمادا وتىنىمدەردى قابىلداۋ اۆتوماتتى تۇردە توقتاتىلادى.

ءوتىنىم بەرۋ ءۇشىن ءوتىنىش بەرۋشىنىڭ ەلەكتروندىق تسيفرلىق قولتاڭباسى (ەسق) بولۋى قاجەت. پلاتفورماعا قازاقستان اۋماعىنداعى ازاماتتار عانا تىركەلە الادى.   ءوتىنىش قابىلدانعاننان كەيىن كليەنت اۆتوسالونعا بارىپ, سوندا بار ءاۆتو­موبيلدى تاڭدايدى نەمەسە الداعى 60 كۇندە كەلەتىن كو­لىكتى كۇتەدى. ەكى ايدان ار­تىق كۇتۋگە مۇم­كىن­دىك جوق, ويت­كەنى ءوتىنىش راستالعان سات­تەن باستاپ جەڭىل­دىك­پەن كولىك ساتىپ الۋعا 60 كۇن عانا ۋاقىت بەرىلەدى.   جەڭىلدەتىلگەن اۆتونەسيە باعدارلاماسىنىڭ شارتتارى:   - قارجىلاندىرۋ سوماسى - 10 ميلليون تەڭگەدەن اسپاۋ كەرەك - قارجىلاندىرۋ مەرزىمى - 7 جىلدان اسپايدى - باستاپقى جارنا - 0 پايىز - 1 اۆتوكولىكتىڭ قۇنى - 15 ميلليون تەڭگەدەن اسپاۋى كەرەك.

اۆتونەسيە باعدارلاماسى تۋرالى تولىعىراق مىنا سىلتەمە ارقىلى وقىڭىز.