بۇل تۋرالى مەملەكەت باسشىسى ەلوردانى دامىتۋ ماسەلەلەرى جونىندەگى كەڭەس وتىرىسى بارىسىندا ايتتى, دەپ حابارلايدى Egemen.kz.
«كەلەسى ماسەلە – قوعامدىق كولىك جۇيەسىن دامىتۋ. مەن قالا ىشىندە ادام كوپ جۇرەتىن باعىتتاردى انىقتاپ, اۆتوبۋستاردىڭىڭ ءجيى قاتىناۋىن قامتاماسىز ەتۋ جونىندە ناقتى تاپسىرما بەردىم», دەدى پرەزيدەنت.
دەگەنمەن قالا تۇرعىندارى ءالى كۇنگە دەيىن ايالدامادا جارتى ساعات بويى تۇرۋعا ءماجبۇر. پرەزيدەنتتىڭ ايتۋىنشا, بۇل ماسەلە قىس مەزگىلىندە وتە وزەكتى.
ء«تىپتى, كەيدە جولاۋشىلار اۆتوبۋسقا سىيماي جاتادى. قازىر استاناعا 400-دەن استام اۆتوبۋس جەتىسپەيدى. الداعى 5 جىلدا بۇل تاپشىلىق 2 ەسە ارتۋى مۇمكىن. 400 ايالدامادا اۆتوبۋس توقتايتىن ارنايى ورىن قاراستىرىلماعان. ال 300 ايالدامادا جابىق پاۆيلون جوق. بۇل ماسەلە, اسىرەسە, قىس كەزىندە وتە وزەكتى», دەپ اتاپ ءوتتى ق.توقاەۆ.
پرەزيدەنتتىڭ ايتۋىنشا, LRT-عا قاتىستى جۇمىستى مەيلىنشە تەزدەتىپ اياقتاۋ كەرەك.
«مەن بۇرىن دا ايتتىم, LRT جوباسى نەگىزىنەن قاتە بولدى. بىراق قازىرگى تاڭدا باسقا امالىمىز جوق, بۇل جوبانى جۇزەگە اسىرۋىمىز كەرەك. LRT-نىڭ قۇرىلىسىن توقتاتساق, شىعىن ودان دا كوپ بولادى. ال بالاما جوبالار جوق. جالپى, اكىمدىككە ۇكىمەتپەن بىرلەسىپ, استانانىڭ كولىك جۇيەسىن دامىتۋعا ارنالعان كەشەندى باعدارلاما ازىرلەۋدى تاپسىرامىن», دەدى ەل پرەزيدەنتى ءوز سوزىندە.