پاكىستاننىڭ سولتۇستىك-باتىسىنداعى پەشاۆار قالاسىنداعى مەشىتتەگى لاڭكەستىك ارەكەتتەن كوز جۇمعاندار سانى سانى 83-كە دەيىن ءوستى, تاعى 150-دەن استام ادام ءتۇرلى دەنە جاراقاتتارىن الدى. قازا تاپقانداردىڭ كوپشىلىگى - پوليتسيا قىزمەتكەرلەرى, دەپ حابارلايدى Egemen.kz Euronews-كە سىلتەمە جاساپ.
اۋرۋحاناعا بارعان ەلدىڭ پرەمەر-ءمينيسترى شاحباز شاريف جارىلىستىڭ ارتىندا تۇرعاندارعا قارسى «قاتاڭ شارالار» قابىلداۋعا ۋادە بەردى. باستاپقىدا تەرراكت ءۇشىن جاۋاپكەرشىلىكتى پاكىستاندىق تاليبان كومانديرى ءوز موينىنا العان ەدى, بىراق كەيىنىرەك ۇيىم ءدىني نىساندارعا جاسالعان شابۋىل ونىڭ ساياساتىنا قايشى كەلەتىنىن ءتۇسىندىرىپ, شابۋىلعا قاتىسى جوقتىعىن ايتقان.
قالانىڭ قاتاڭ قورعالاتىن ايماعىندا ورنالاسقان مەشىتتەگى شابۋىل سوڭعى جىلدارداعى پاكىستان قاۋىپسىزدىك كۇشتەرىنە جاسالعان ەڭ قاۋىپتى شابۋىلداردىڭ ءبىرى بولدى.
گۇلشاحرا سانسىزباي