بەرليندە گفر باسشىلىعىنىڭ شەتەل ديپلوماتيالىق ۆەدومستۆولارى باسشىلارىمەن ءداستۇرلى كەزدەسۋىنىڭ شەڭبەرىندە قازاقستان ەلشىسى نۇرلان ونجانوۆتىڭ گەرمانيا كانتسلەرى انگەلا مەركەلمەن كەزدەسۋى ءوتتى.
تاراپتار ەكىجاقتى قارىم-قاتىناستار بويىنشا پىكىر الىسىپ, قازاقستان رەسپۋبليكاسىنىڭ ۇدەمەلى يندۋستريالىق-يننوۆاتسيالىق باعدارلاماسىن جۇزەگە اسىرۋ جانە «باتىس ەۋروپا – باتىس قىتاي» حالىقارالىق كولىك ءدالىزىن قولدانۋ اياسىندا ارىپتەستىكتى تەرەڭدەتۋ مۇمكىندىكتەرىن تالقىلادى.
وسى ورايدا نەگىزگى نازار شيكىزات, ونەركاسىپ جانە تەحنولوگيا سالالارىنداعى ارىپتەستىك تۋرالى قازاقستان-گەرمانيا ۇكىمەتارالىق كەلىسىمىنە, ياعني ەكونوميكامىزدىڭ باسىم سالالارىندا بىرلەسكەن جوبالاردى ىسكە اسىرۋعا اۋدارىلۋى كەرەك ەكەنى اتاپ كورسەتىلدى.
اڭگىمە سوڭىندا گفر ۇكىمەتىنىڭ باسشىسى انگەلا مەركەل ەلباسىنا جانە قازاقستان حالقىنا ءوزىنىڭ ىزگى نيەتتى تىلەكتەرىن جولداپ, گەرمانيانىڭ قازاقستانمەن ەكىجاقتى قارىم-قاتىناستى دامىتۋعا مۇددەلى ەكەنىن ءبىلدىردى, دەپ حابارلادى قر ءسىم-ءىنىڭ ءباسپاسوز قىزمەتى.