ەرلىكتى ادامداردىڭ قاھارلى, وتتى كۇندەردە عانا جاسامايتىنىنا تاعى دا كوز جەكىزدىك. بيىلعى قاتال قىس التايدا ۇزاققا سوزىلدى, قاتتى بوراننان كوز جازبادىق, ال كوكتەمدە سۋ تاسقىنىنىڭ استىندا قالدىق. قاتتى قىسىلعان ايەلدى قۇتقارامىز دەگەن جەتى ادامنىڭ تىكۇشاق اپاتىنان قايتىس بولعانى جايلى حابار جەرلەستەرىمىزدى قايعىعا باتىردى.
ەلباسىنىڭ ۇستىمىزدەگى جىلعى 30 ساۋىردەگى جارلىعىمەن تىكۇشاق اپاتىنان قازا تاپقان جەتى ادام مەملەكەتتىك ناگرادالارمەن ماراپاتتالعان بولاتىن. اتاپ ايتقاندا, ماقانشى اۋىلدىق وكرۋگىنىڭ اكىمى ە.ساعىمبەكوۆ, ۇشقىش ۆ.ۆ.ستولبوۆسكي, دارىگەر ۆ.گ.تيۋكتياەۆا “قۇرمەت” وردەندەرىمەن, كەلدىمۇرات اۋىلدىق وكرۋگىنىڭ اكىمى ب.يبراەۆ, س.ي.بارابانوۆ, ا.ا.سترەلنيك, يۋ.يۋ.تيۋرنيكوۆ “ەرلىگى ءۇشىن” مەدالدارىمەن ماراپاتتالدى.
وبلىس اكىمى بەردىبەك ساپارباەۆ اكىمدىكتىڭ وتىرىسىندا قازا تاپقانداردىڭ قوساقتارىنا, تۋىس-جۇراعاتتارىنا جوعارى ناگرادانى تاپسىرىپ تۇرىپ, ەرلىكتىڭ ەشقاشان ۇمىتىلمايتىنىن, ەلباسىنىڭ قۇرمەتى جايلى ايتا كەلىپ, ولارعا تابىس, ساتتىلىك تىلەدى. ەربول ساعىمبەكوۆتىڭ زايىبى ءلاززات ساعىندىققىزى ەلباسىنا قازا تاپقان ازاماتتارعا كورسەتكەن قۇرمەتى ءۇشىن العىسىن ايتىپ, ەلىمىزگە ىنتىماق پەن بىرلىك تىلەدى.
وڭداسىن ەلۋباي. وسكەمەن.