جاڭا ەمحانامەن قۋانتتى

ەكىباستۇزدا تۇرعىنداردىڭ اۋرۋ تۇرلەرىن ەرتە باستان انىقتايتىن سكرينينگتىك زەرت­تەۋلەر جۇرگىزەتىن, ساۋلە­لىك, زەرتحانالىق, جالپى كلينيكالىق, فۋكتسيونالدىق جانە ەندوسكوپيا بويىن­شا دياگنوستيكالىق قىزمەت­تەر كورسەتە الاتىن №2­ ەمحا­نا اشىلدى. وب­لىس­­تىق دەنساۋلىق ساقتاۋ­ باس­قار­ما­سىنىڭ باسشىسى­ نۇر­لان قاسىموۆتىڭ ايتۋىنشا, ەلىمىزدە قا­بىل­­دانعان ­«سا­لا­ماتتى قازاقستان» باع­دارلاما­سى­نىڭ اياسىندا حالىقتىڭ دەن­ساۋلىعىن ساقتاۋدا, ەمدە­لۋشىلەرگە ساپالى مەدي­تسي­نالىق كومەك كورسەتۋ, سالاماتتى ءومىر سالتىن جۇرگىزۋ سياقتى ناقتى مىندەتتەر بەلگىلەنگەن. كەن­شى­لەر قالا­سىندا اشىلعان جاڭا ەمحانا 15 ماۋسىم دارىگەرلەر كۇنى مەرەكەسى قارساڭىندا جاق­سى سىيلىق بولدى. ەمدە­لۋ­شىلەر دە قۋانىشتى. زاما­ناۋي مەديتسينالىق قۇرال-جابدىقتارمەن جاب­دىقتالعان جاڭا ەمحانا كۇنىنە 500 ادامدى قابىلداي الادى. جالپى, قالانىڭ 50 مىڭداي تۇرعىنىنا قىزمەت كورسەتەدى. بارلىق جاعداي جاسالعان. ءبىرىنشى قاباتتا مۇگەدەكتەرگە ارنالعان جەكە بولمەلەر جانە وتباسى دەنساۋلىعى ورتالىعى ورنالاسقان. ور­تالىقتا پە­دياترلار, تەرا­پەۆت دارىگەرلەر قابىلداۋ جۇرگىزەدى. سونداي-اق, 40 ورىنعا ارنالعان كۇندىزگى ستاتسيونار جۇيەسىن قۇرۋ قاراستىرىلۋدا. بيىل 18 جاس مامان دارىگەر كەلىپتى. ەمحانادا 67 جوعارى ءبىلىمدى دارىگەرلەر, 200-گە جۋىق مەدبيكە, ورتا مەديتسينا قىز­مەتكەرلەرى ەڭبەك ەتۋدە. وتكەن جىلى قالالىق اكىمدىك 49 جاس دارىگەرگە پاتەر كىلت­تەرىن تابىس ەتكەن بولاتىن. قالا اكىمى الەكساندر ۆەرب­نياك ەمحانا قۇرىلىسىن سالۋعا رەسپۋبليكالىق بيۋدجەتتەن 1 ملرد. 670 ميلليون تەڭگە بولىنگەنىن, كەنشىلەر قالاسى تاعى ءبىر جاڭا ەمحانامەن تولىققانىن ايتىپ ءوتتى. فاريدا بىقاي, «ەگەمەن قازاقستان. ەكىباستۇز.