يدم باسشىسى مارات قاراباەۆ ەلورداداعى كاسىپورىنداردىڭ قىزمەتىمەن تانىستى, دەپ حابارلايدى Egemen.kz.
ماسەلەن, ۆەدومستۆو باسشىسى ەلورداداعى رەسپيراتورلار شىعاراتىن زاۋىتتا, مودۋلدىك ءۇي قۇرىلىسىمەن اينالىساتىن ModeX ءوندىرىس ورنىندا, سونداي-اق ارنايى تەحنيكانى شىعاراتىن كاسىپورىن مەن ۆيتراج, تەرەزە ونىمدەرى, مەديتسينالىق جابدىقتار, كەڭسە جيھازدارى جانە مەتالل قۇرىلىمدارىن دايىندايتىن زاۋىتتا بولىپ, ءوندىرىس قارقىنىن باعامداپ قايتتى.
سونىمەن قاتار مارات قاراباەۆ باس قالاداعى 2-جىلۋ ەلەكتر ورتالىعىنا دا ايالداپ, استاناداعى كارىز-تازارتۋ جۇيەلەرىنىڭ جۇمىسىن تەكسەردى.
بۇل رەتتە استاناداعى 2-كارىز-تازارتۋ جۇيەسىنىڭ قۇرىلىسىن بيىل قولعا الىپ, 3 جىلدىڭ ىشىندە ىسكە اسىرۋ جوسپارلانىپ وتىرعانىن ايتا كەتەيىك. وسىعان بايلانىستى مينيسترلىك وكىلدەرى اكىمدىكپەن بىرلەسىپ, اتالعان نىساندى جەدەل سالۋ ءۇشىن وزەكتى ماسەلەلەردى تالقىلادى.
ەلوردانىڭ قارقىندى دامۋىن ەسكەرسەك, قالا اكىمدىگىمەن بىرلەسكەن جۇمىس قولايلى ءارى زاماناۋي قالالىق ورتانى قۇرۋعا باعىتتالعان شارالاردى ءتيىمدى ىسكە اسىرۋدىڭ نەگىزگى جولدارىن ازىرلەۋگە سەپتىگىن تيگىزەتىنىن اتاپ وتكەن ءجون.