وسىنداي حالقىمىزدىڭ قۇندى ءتامسىلىن نەگىزگە الىپ قازاقستان رەسپۋبليكاسى ۇلتتىق قاۋىپسىزدىك كوميتەتىنە قاراستى شەكارا قىزمەتى اكادەمياسىنىڭ تاربيە جانە الەۋمەتتىك-قۇقىقتىق جۇمىستارى جونىندەگى باسقارماسى الماتىداعى №1 قالالىق بالالار ءۇيىنىڭ تاربيەلەنۋشىلەرىن وزدەرىندە قوناق ەتتى.
قالا اۋماعىندا ورنالاسقان ءتۇرلى بالالار ۇيلەرىنىڭ تاربيەلەنۋشىلەرىنە قامقورلىعىن اياماي جۇرگەن اكادەميا بيىل №1 قالالىق بالالار ءۇيىنىڭ 50 شاقتى تاربيەلەنۋشىسىنە اسكەري تارتىپتە وتان الدىنداعى ازاماتتىق بورىشىن وتەپ جۇرگەن اعالارىنىڭ تىنىس-تىرشىلىگىمەن تانىستىردى.
جاسوسپىرىمدەرگە ارناپ اسكەري شۇعىل امالدارعا ارنالعان قارۋ-جاراق كورمەسى مەن باسقا دا شەكارا قىزمەتىنىڭ تاريحىن پاش ەتەتىن كورنەكى قۇرالدار كورمەسى ۇيىمداستىرىلدى. شەكاراشىلار ستاديونىندا بالالار ءۇيىنىڭ تاربيەلەنۋشىلەرى مەن شەكاراشىلار ءارتۇرلى سپورت تۇرلەرىنەن كۇش سىناسىپ, قىزىقتى ويىندار وتكىزدى. مەملەكەتتىك شەكارانى قالتقىسىز كۇزەتەتىن جاس ورەندەردىڭ كۇندەلىكتى دايىندىعىن, وقۋ-تاربيە جۇمىستارىن, جابدىقتالعان قۇرالدارىن ءوز كوزدەرىمەن كورىپ, تاماشالاعان جاسوسپىرىمدەر بۇل كەزدەسۋگە ءدان ريزا بولىپ تارقاستى.
قانات ەسكەندىر,
«ەگەمەن قازاقستان».
الماتى.