استانا. 15 ماۋسىم. برازيليانىڭ استاناسى – برازيليا قالاسىندا ءبىرىنشى رەت وينالعان بۇل ماتچتا شۆەيتساريا مەن ەكۆادور كۇش سىناستى. ول 2:1 ەسەبىمەن ەۋروپالىق كوماندانىڭ پايداسىنا شەشىلدى. بۇل تۋرالى egemen.kz حابارلادى.
قازىرگە دەيىن چەمپيوناتتا وينالعان ويىنداردىڭ اراسىندا بىردە-ءبىر تەڭ ناتيجە كەزدەسكەن جوق. وسىنىڭ ءوزى توپتاعى تارتىستاردىڭ قاتتى بولىپ جاتقانىن بايقاتادى. دەگەنمەن, بۇل كەزدەسۋدە شۆەيتساريا ءاۋ باستان فاۆوريت سانالعان ەدى. بىراق ولاردىڭ كەزدەسۋ باسىندا ءبىرشاما شوقىراقتاپ ويناعانان پايدالاننعان ەكۆادور تىزگىندى قولعا الدى. سونىڭ ناتيجەسىندە ولار 22-مينۋتتا ەننەر ۆالەنسيا سالعان گولدان كەيىن العا دا شىقتى.
ەندى شۆەيتساريالىقتارعا شىنداپ ويناۋعا تۋرا كەلدى. بىراق ءبىرىنشى تايمدا ولارعا ەسەپتى تەڭەستىرۋدىڭ رەتى كەلمەدى. ونى بۇلار 48-مينۋتتا ادمير مەحمەديدىڭ كۇشىمەن جاسادى. وسىمەن ءبارى بىتكەندەي كورىنگەن. كەزدەسۋدىڭ 90 مينۋتى وسىلاي اياقتالدى. الايدا, قوسىمشا ءۇشىنشى مينۋتتا حاريس سەفەرەۆيچ تاعى ءبىر گول سالىپ, ءوز كومانداسىنا جەڭىس اپەردى.
دامير قوجامقۇل.
دەرەككوز: چەمپيونات.رۋ.
فوتو: Sportbox.ru.