قازاقستان تەننيسشىسى ەلەنا رىباكينا AusOpen-2023 چەمپيوناتىندا التىن مەدالدى ساراپقا سالادى. فينالدا ول بەلارۋسسيانىڭ تاعى ءبىر وكىلى, الەمنىڭ بەسىنشى راكەتكاسى - ارينا سوبولەنكومەن كۇش سىناسادى, دەپ حابارلايدى Egemen.kz.
ەلەنا رىباكينا اۆستراليا بىرىنشىلىگىنىڭ فينالىنا وتەر جولدا, سوبولەنكونىڭ وتانداسى ۆيكتوريا ازارەنكومەن كەزدەسىپ, ءساتتى ونەر كورسەتتى. 1 ساعات 41 مينۋتقا سوزىلعان ماتچ قازاقستان سپورتشىسىنىڭ جەڭىسىمەن اياقتالدى. ەسەپ- 7:6, 6:3.
ءوز كەزەگىندە ارينا سوبولەنكو باسقا جارتىلاي فينالدا پولشا وكىلى ماگدا لينەتتى 7:6, 6:2 ەسەبىمەن جەڭدى. سوبولەنكو مەن رىباكينا اراسىنداعى شەشۋشى جەكپە-جەك 28 قاڭتاردا, استانا ۋاقىتى بويىنشا ساعات 14:30-دا وتەدى.