بۇگىن, 26 قاڭتاردا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ كەڭەيتىلگەن القا وتىرىسى ءوتتى. جيىن بارىسىندا مينيسترلىك جەتەكشىلىك ەتەتىن باعىتتارداعى جۇمىستىڭ قورىتىندىلارى مەن باسىمدىقتارى تالقىلاندى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
القا وتىرىسىنا قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆ, تسيفرلىق دامۋ ءمينيسترى باعدات مۋسين, مينيسترلىك قىزمەتكەرلەرى, باسقارمالار مەن ۆەدومستۆوعا قاراستى ۇيىمداردىڭ باسشىلارى مەن قىزمەتكەرلەرى قاتىستى.
تسيفرلىق ۆەدومستۆو باسشىسى باعدات مۋسين 2022 جىلعى جۇمىستى قورىتىندىلاپ, ءوزى جەتەكشىلىك ەتەتىن باعىتتاردىڭ باسىمدىقتارى جانە 2023 جىلعا ارنالعان جوسپارلار تۋرالى ايتتى. ءمينيستردىڭ ايتۋىنشا, بۇگىندە پرواكتيۆتى قىزمەتتەر ەنگىزىلۋدە, ولاردىڭ جالپى سانى 40-قا جەتتى.
پرواكتيۆتى ءتاسىل - «Invisible Government» تۇجىرىمداماسىن ىسكە اسىرۋ كەزەڭدەرىنىڭ ءبىرى بولىپ سانالادى. ول دەگەنىمىز, ازامات ءۇشىنشى تۇلعالاردىڭ قاتىسۋىنسىز ءومىردىڭ بارلىق كەزەڭدەرىندە مەملەكەتپەن ءوزارا ءىس-قيمىل جاساي الادى.
ء«بىزدىڭ ستراتەگيالىق مىندەتىمىز - ءاربىر ومىرلىك جاعدايدى تالداۋ, ازاماتتىڭ نەنى باستان وتكەرەتىنىن ءتۇسىنۋ, كەدەرگىلەردى جويۋ جانە ءبارىن ىڭعايلى ءارى تۇسىنىكتى پروتسەسكە كوشىرۋ. ول ءۇشىن فوكۋس-توپتار جينالىپ, ناقتى مەملەكەتتىك ورگاندار, CDO جانە باسقا دا ۇيىمدار تارتىلادى. بيزنەس-پروتسەستەردى قايتا قاراعاننان كەيىن ولاردى پرواكتيۆتى قىزمەتتەرگە بارىنشا اۋىستىرۋ جوسپارلانىپ وتىر», دەدى باعدات مۋسين.
سونداي-اق مينيستر ءوز سوزىندە حقكو-نىڭ سەرۆيستىك قىزمەتتەرىن وڭتايلاندىرۋ بويىنشا جۇمىستار جالعاسىپ جاتقانىن اتاپ ءوتتى. قازىر قازاقستاندا 324 ورتالىق بار, وتكەن جىلى 14-ءى جاڭعىرتىلدى, بيىل تاعى 50-ءىن جاڭارتۋ جۇمىسى جوسپارلانىپ وتىر. تاياۋ بولاشاقتا ەلىمىزدە ازاماتتارعا ىڭعايلى جانە ساپالى قىزمەت كورسەتەتىن بىرىڭعاي كەڭىستىك - سۋپەرتسوندار پايدا بولادى.
وتكەن جىلى «eDensaulyq» سياقتى ماڭىزدى الەۋمەتتىك ەلەكتروندىق سەرۆيستەر ىسكە قوسىلدى, وندا ازاماتتاردىڭ دونورلىق مارتەبەسى, رەتسەپتىلەر, جۇكتى ايەلدەردى ەسەپكە الۋ, اۋرۋحاناعا جاتقىزۋ بويىنشا كەڭەيتىلگەن اقپارات جيناقتالعان.
«ۇيالى بايلانىس قوسىمشاسى پاتسيەنتكە ءوزىنىڭ جەكە مەديتسينالىق دەرەكتەرىنە قول جەتكىزۋدى باسقارۋعا, ءوزىنىڭ ەتسق كومەگىمەن كەلىسىمدەرگە قول قويۋعا, ەمحاناعا بارماي-اق دارىگەرمەن ونلاين كەيبىر ماسەلەلەردى شەشۋگە مۇمكىندىك بەرەدى. دارىگەرلەر ءوز كەزەگىندە دەنساۋلىق ساقتاۋ جۇيەلەرىندەگى پاتسيەنتتىڭ دەرەكتەرىنە قول جەتكىزە الادى. ولار مەديتسينالىق اقپاراتتىق جۇيەنىڭ ء«بىر تەرەزەسىندە» جۇمىس ىستەي الادى جانە كوپتەگەن قۇجاتتاردى تولتىرۋدىڭ قاجەتى بولمايدى», دەدى باعدات مۋسين.
سونىمەن قاتار, مينيستر تسيفرلىق ۆەدومستۆونىڭ ماڭىزدى ستراتەگيالىق مىندەتتەرىنىڭ ءبىرى بايلانىس سالاسىن دامىتۋ ەكەنىن اتاپ ءوتتى. بۇگىندە قازاقستاندا 4,9 مىڭ اۋىل كەڭ جولاقتى ءموبيلدى ينتەرنەتكە قوسىلعانىن ايتتى. مۇنداعى جۇمىس 3G ورنىنا 4-ءشى بۋىندى بايلانىسپەن قامتۋدى ارتتىرۋعا باعىتتالعان.
قر ءتسدياوم جۇمىسىنىڭ تاعى ءبىر باعىتى – حالىقتى جانە بيزنەستى ينتەرنەت جەلىسىنە (100 مبيت/س) قولجەتىمدى جوعارى جىلدامدىقپەن قامتاماسىز ەتۋگە باعىتتالعان «قولجەتىمدى ينتەرنەت» جاڭا ۇلتتىق جوباسىن ازىرلەۋ. ۇلتتىق جوبانىڭ باستى ءىس-شارالارىنىڭ ءبىرى - 3 مىڭعا دەيىن ەلدى مەكەنگە وپتيكا توسەۋ بولىپ وتىر.
وتىرىس بارىسىندا ۆەدومستۆولىق باعىنىستى ۇيىمداردىڭ باسشىلارى, ونىڭ ىشىندە «قازاقتەلەكوم» اق باسقارما توراعاسى قۋانىشبەك ەسەكەەۆ, «قازاقستان عارىش ساپارى» اق باسقارما توراعاسى ايدىن ايىمبەتوۆ, «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين, «Astana Hub» IT-ستارتاپتار حالىقارالىق تەحنوپاركى» باس ديرەكتورى ماعجان ماديەۆ ءوز باياندامالارىن جاسادى.