يندۋستريا جانە ينفراقۇرىلىمدىق دامۋ ءمينيسترى مارات قاراباەۆ ساحا (ياكۋتيا) رەسپۋبليكاسىنىڭ باسشىسى ايسەن نيكولاەۆپەن كەزدەستى. تاراپتار ۇزاقمەرزىمدى ءتيىمدى ىنتىماقتاستىقتىڭ پەرسپەكتيۆالارىن تالقىلادى, دەپ حابارلايدى Egemen.kz.
يدم باسشىسى باۋىرلاس رەسپۋبليكامەن جەمىستى ارىپتەستىك ورنايتىنىنا سەنىم ءبىلدىرىپ, ساحا ينۆەستورلارىن ەلىمىزگە بىرلەسكەن ينۆەستيتسيالىق جوبالاردى ىسكە اسىرۋعا شاقىردى.
بۇل رەتتە ا.نيكولاەۆ ءوز رەسپۋبليكاسىنىڭ ەكونوميكالىق الەۋەتى جايلى اقپارات بەرىپ, ونىڭ ىشىندە ازاماتتىق اۆياتسيا, جەر قويناۋىن يگەرۋ جانە ونەركاسىپ سالالارىندا, سونداي-اق زەرگەرلىك-قىرلاۋ كلاستەر بولىگىندە ءتيىمدى ارىپتەستىكتى نىعايتۋعا نيەتتى ەكەنىن ايتتىپ, ۇسىنىستارىن جەتكىزدى.
بۇدان باسقا تاراپتار ياكۋتسك – ءنوۆوسىبىر – استانا جانە ياكۋتسك – ءنوۆوسىبىر – الماتى اۋە قاتىناسىن اشۋ جانە «ياكۋتيا» وزىق دامۋ ايماعىندا وندىرىلەتىن ۇزاق ۋاقىت جاناتىن پەشتەردى قازاقستانعا يمپورتتاۋ مۇمكىندىگىن قاراستىرۋعا كەلىستى.
كەزدەسۋدىڭ قورىتىندىسىنا سايكەس ەكى جاق ىسكەرلىك اڭگىمەگە ريزاشىلىقتارىن ءبىلدىرىپ, قازاقستان مەن ساحا رەسپۋبليكاسى اراسىنداعى قارىم-قاتىناستى ودان ءارى دامىتۋدىڭ ماڭىزدىلىعىن اتاپ ءوتتى.