قازگيدرومەت 26-28 قاڭتارعا ارنالعان اۋا رايى بولجامىن جاسادى, دەپ حابارلايدى Egemen.kz.
سينوپتيكتەردىڭ مالىمەتىنشە, ەلدىڭ باتىسىنا, وڭتۇستىگىنە جانە وڭتۇستىك-شىعىسىنا اتموسفەرالىق قىسىمنىڭ جوعارىلاۋ ءورىسى اسەر ەتەدى. سول سەبەپتى جاۋىن-شاشىنسىز اشىق اۋا رايى ساقتالادى.
قازاقستاننىڭ قالعان اۋماعى ءالى دە اتموسفەرالىق فرونتالدى بولىمدەردىڭ ىقپالىندا بولادى. جاياۋ بۇرقاسىن ءجۇرىپ, قار جاۋادى جانە جەل كۇشەيەدى. رەسپۋبليكا بويىنشا تەمپەراتۋرالىق فوندا ەلەۋلى وزگەرىستەر كۇتىلمەيدى. الايدا ەلدىڭ وڭتۇستىك-شىعىسىندا اۋا تەمپەراتۋراسىنىڭ كۇندىز - 3 ايازعا, سولتۇستىك جانە تاۋلى اۋدانداردا – 8 ايازعا دەيىن بىرتىندەپ كوتەرىلۋى بولجانادى.