سىبايلاس جەمقورلىققا قارسى قىزمەت قر ۇلتتىق مۋزەيىنىڭ بۇرىنعى ديرەكتورى ا.مۇحامەدي ۇلىنا جانە باسقا دا ادامدارعا قاتىستى بيۋدجەت قاراجاتىن اسا ءىرى مولشەردە ۇرلاۋ فاكتىلەرى بويىنشا تەرگەۋ جۇمىستارىن جالعاستىرىپ جاتىر, دەپ حابارلايدى Egemen.kz ANTIKOR ءباسپاسوز قىزمەتىنە سىلتەمە جاساپ.
جۇرگىزىلىپ جاتقان تەرگەۋ اياسىندا ا. مۇحامەدي ۇلىمەن جانە باسقالارمەن ءسوز بايلاسىپ, «الەم مۇراجايلارى بويىنشا التىن ادامنىڭ شەرۋى» حالىقارالىق كورمەسىنىڭ جوباسىن ىسكە اسىرۋ كەزىندە 221 ميلليون تەڭگە سوماسىندا سەنىپ تاپسىرىلعان بيۋدجەت قاراجاتىن ۇرلاۋعا قاتىسقان «قر ۇلتتىق مۇراجايى» رمقك ديرەكتورىنىڭ بۇرىنعى ورىنباسارى ا.ش. نۇرازحان ۇستالدى.
«استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ سانكتسياسىمەن ا.ش. نۇرازحان 2 اي مەرزىمگە قاماۋعا الىندى. تەرگەۋ جالعاسۋدا. تەرگەۋ مۇددەسى ءۇشىن وزگە اقپارات جاريا ەتۋگە جاتپايدى», دەلىنگەن حابارلامادا.