شەتەلدىك اۆتوكولىكتى تىركەۋ ناۋقانى اياسىندا وسكەمەندە العاشقى اۆتوكولىك تىركەلدى, دەپ حابارلايدى Egemen.kz.
وبلىس تۇرعىنى اناستاسيا كۋزميچەۆا بىلتىر رەسەيدەن اكەلگەن كولىگىن تىركەدى.
– مەملەكەت بەرگەن بىرەگەي مۇمكىندىكتى پايدالانىپ, كولىگىمدى زاڭداستىرا العانىما قۋانىشتىمىن, – دەدى ول.
«ازاماتتارعا ارنالعان ۇكىمەت» كورپوراتسياسى وبلىستىق فيليالى ءباسپاسوز قىزمەتىنىڭ حابارلاۋىنشا, اكتسيانىڭ العاشقى كۇنى 150-دەن استام ادام زاڭداستىرۋ بويىنشا ءوتىنىم بەرىپ, ولاردىڭ 90-نان استامى ءبىرىنشى كەزەڭنىڭ ماقۇلداۋىن الدى. جاڭا ءنومىردى تەك 2 اۆتوكولىك يەسى تىركەدى. كوپتەگەن تۇرعىندارعا زاڭداستىرۋدان باس تارتىلدى, نەگىزگى سەبەپ – كولىكتى ەلگە اكەلۋ تۋرالى اقپاراتتىڭ نەمەسە كەدەندىك تەكسەرۋ مالىمەتتەرىنىڭ تابىلماۋى.
ەستەرىڭىزگە سالساق, 23 قاڭتاردا ەلدە شەتەلدىك اۆتوموبيلدەردى زاڭداستىرۋ ناۋقانى باستالدى. كەز كەلگەن اۆتوكولىك يەسى وسى اكتسيانى پايدالانىپ, زاڭداستىرۋعا ءوتىنىم بەرە الادى.