بۇگىن, 23 قاڭتاردا قازاقستاندا شەتەلدىك اۆتوموبيلدەردى زاڭداستىرۋ باستالدى. 18:00-دەگى جاعداي بويىنشا 2000-نان استام ءوتىنىم ماقۇلداندى, ونىڭ ىشىندە 100 ادام ءتيىستى قۇجاتتاردى الىپ ۇلگەرگەن, دەپ حابارلايدى Egemen.kz.
«حقكو ماماندارى ءوتىنىم بەرۋشىلەرگە كومەكتەسىپ تۇرادى. مۇندا ءسىز كەڭەس الا الاسىز, قۇجاتتاردى بازالار بويىنشا تەكسەرە الاسىز. ءاربىر ءوتىنىم جەكە قارالادى. قوسىمشا سۇراقتارى بار اۆتوكولىك يەلەرىنە قاجەتتى ۇسىنىستار بەرىلەدى», دەلىنگەن ىشكى ىستەر مينيسترلىگى تاراتقان حابارلامادا.
ەسكە سالا كەتسەك, حالىققا قىزمەت كورسەتۋ ورتالىقتارى ساعات 22:00-گە دەيىن جۇمىس ىستەيدى.
كولىكتى زاڭداستىرۋ ءۇشىن:
ە-gov.kz ەلەكتروندىق ۇكىمەت پورتالى ارقىلى; ەكىنشى دەڭگەيدەگى بانكتەردىڭ قوسىمشالارى ارقىلى; حقكو-لاردا ءوتىنىم بەرۋگە بولادى.ەرەجە بويىنشا اۆتوكولىك قازاقستانعا 2022 جىلدىڭ 1 قىركۇيەگىنە دەيىن اكەلىنۋى ءتيىس, كولىك قىلمىستىق ەسەپتە تۇرماۋى ءتيىس, باسقا مەملەكەتتە بۇرىنعى تىركەلگەن جەرى بويىنشا ەسەپتەن شىعارىلۋى ءتيىس. سونداي-اق ەۋرازيالىق ەكونوميكالىق وداققا كىرمەيتىن ەلدەردەن اكەلىنگەن اۆتوموبيل كەدەندىك تازارتۋدان ءوتۋى ءتيىس.