دۋبايعا جۇمىس ىستەيمىز دەپ بارعان ەكى قازاقستان ازاماتى حابار-وشارسىز كەتكەنى انىقتالدى. كەيىننەن ولاردىڭ قۇلدىققا تۇسكەنى تۋرالى مالىمەت تارادى, دەپ حابارلايدى Egemen.kz.
يسلامبەك پەن جاراس شەتەلگە جۇمىسقا شاقىرعانداردىڭ ارباۋىنا ءتۇسىپ, ەسىرتكى ساۋداسىمەن اينالىساتىنداردىڭ ورتاسىنا ءتۇسىپ قالعان.
جۋرناليست رۋسلان وتەپباي الەۋمەتتىك جەلىدە ولاردىڭ قازاقستانعا ورالعانىن حابارلادى.
ء«سۇيىنشى اعايىن! يسلامبەك پەن جاراس ەلگە امان-ەسەن كەلدى. اللاعا سانسىز شۇكىر. اتا-انالار باقىتتى, بالالار امان», دەپ جازدى ول Instagram جەلىسىندە.
بۇعان دەيىن سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان ازاماتتارىنىڭ قۇلدىققا ءتۇسۋ دەرەگىنىڭ جيىلىگەنىن ايتىپ, ماسەلە كوتەرگەن ەدى. سول كەزدە تايلاند پەن ۆەتنامداعى ەلشىلىكتەر بۇل ماسەلەنى شەشۋدى قولعا العان.
ايتولعان ءجۇنىسحان,
ل.ن. گۋميلەۆ اتىنداعى ەۇۋ ستۋدەنتى