2022 جىلدىڭ قورىتىندىسى بويىنشا مەملەكەتتىك ەڭبەك ينسپەكتورلارى رەسپۋبليكانىڭ 914 كاسىپورنىندا 21,7 مىڭ جۇمىسكەرگە 5,3 ملرد تەڭگەدەن استام سوماعا جالاقى بويىنشا بەرەشەكتى انىقتادى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
جۇمىسكەرلەرگە بەرەشەگى بار كاسىپورىنداردىڭ باسشىلارىنا ورىندالۋى مىندەتتى 881 نۇسقاما بەرىلىپ, 144,6 ملن تەڭگەدەن استام سوماعا ايىپپۇل سالىندى.
قابىلدانعان شارالار, سونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋ ناتيجەسىندە 20,2 مىڭنان استام جۇمىسكەردىڭ قۇقىعى قورعالىپ, ولارعا 5,2 ملرد تەڭگە تولەندى.