توتەنشە جاعدايلاردىڭ الدىن الۋ جانە ولاردى جويۋ جونىندەگى وبلىستىق كوميسسيانىڭ كەزەكتى وتىرىسىندا وبلىس اكىمىنىڭ ورىنباسارى ديميتري گاريكوۆ قالا جانە اۋدان اكىمدەرىنە سۋ تاسقىنى قاۋپىنىڭ الدىن الۋ ءۇشىن دايىندىق شارالارىن جۇرگىزۋدى, سونداي-اق ەلدى مەكەندەردى سۋ باسۋ قاۋپى تونگەن جاعدايدا اتقارىلاتىن ءىس-شارالار جوسپارىن ازىرلەۋدى تاپسىردى, دەپ حابارلايدى Egemen.kz.
– ەلدى مەكەندەردەگى قاردى تازالاۋ مەن شىعارۋ جۇمىستارىن جالعاستىرۋ قاجەت. تاسقىندى بولدىرماۋ ءۇشىن قازىردەن باستاپ قورعانىس جانە الدىن الۋ شارالارىن جۇرگىزۋ كەرەك. سينوپتيكتەردىڭ بولجامى بويىنشا جاۋىن-شاشىن مولشەرى كليماتتىق نورمادان جوعارى بولادى دەپ كۇتىلەدى.. سوندىقتان سۋ تاسقىنى كەزەڭىنىڭ قامىن قازىردەن قولعا العان ءجون, – دەدى وبلىس اكىمىنىڭ ورىنباسارى ديميتري گاريكوۆ.