ەلورداداعى بىرنەشە كوشەگە بەلگىلى قايراتكەرلەر مەن جازۋشىلاردىڭ ەسىمدەرى بەرىلمەك. بۇل تۋرالى استانا قالاسى ءماسليحاتىنىڭ كەزەكتەن تىس سەسسياسىندا قالالىق تىلدەردى دامىتۋ جانە مۇراعات ىستەرى باسقارماسىنىڭ باسشىسى ساكەن ەسىركەپ ايتتى, دەپ حابارلايدى Egemen.kz.
«بۇگىن ءبىز استانانىڭ كەيبىر كوشەلەرىنە اتاۋ بەرۋ جانە قايتا اتاۋ تۋرالى ۇسىنىستاردى تالقىلايمىز. جوبالىق اتاۋ بويىنشا, ا-23 كوشەسىنە ەكىنشى دۇنيەجۇزىلىك سوعىسقا قاتىسقان, مايدانگەر, بەلگىلى جۋرناليست اسكەن نابيەۆتىڭ ەسىمى, ا-24 كوشەسىنە قازاقستان مەملەكەتتىك سىيلىعىنىڭ لاۋرەاتى سىرباي ماۋلەنوۆتىڭ ەسىمى, ە-12 كوشەسىنە كەڭەس وداعىنىڭ باتىرى مانشۇك مامەتوۆانىڭ ەسىمى, ە-20 كوشەسىنە ۇلتتىق عىلىم اكادەمياسىنىڭ اكادەميگى شاپىق شوكيننىڭ ەسىمى, ە-753 كوشەسىنە بەلگىلى مەملەكەت جانە قوعام قايراتكەرى, تاريحشى, دوكتور, پروفەسسور سانجار اسفەندياروۆتىڭ ەسىمى, №187 كوشەگە بالالار ادەبيەتىنىڭ بەلگىلى وكىلى, كلاسسيك جازۋشى بەردىبەك سوقپاقتاەۆتىڭ ەسىمى, №189 كوشەگە مىسىردى بيلەگەن قازاق دالاسىنىڭ تۋماسى سۇلتان بەيبارىستىڭ ەسىمىن بەرۋ جوسپارلانىپ وتىر», دەدى ساكەن ەسىركەپ.
سونداي-اق №23-16 كوشەلەرى مەن ماعجان جۇماباەۆ داڭعىلىن بىرىكتىرىپ, جالپى اتاۋىن ماعجان جۇماباەۆ داڭعىلى دەپ وزگەرتۋ ۇسىنىلدى. ەلوردانىڭ وڭ جاعالاۋىنداعى بۇرىنعى م.مامەتوۆا كوشەسىن ىلە وزەنىنىڭ بويىندا ورنالاسقان ورتاعاسىرلىق قالانىڭ اتىمەن قارامەرگەن دەپ اتاۋ ۇسىنىلادى. بۇقار جىراۋ كوشەسىنە, ياعني ساۋران كوشەسىنىڭ بوتانيكالىق باقتان Mega Silkway ساۋدا ورتالىعىنا دەيىنگى قىسقا بولىگىنە گەيدار اليەۆ ەسىمىن بەرۋ ۇسىنىلدى.