«Digital Almaty: جاڭا بولمىستاعى تسيفرلىق ارىپتەستىك» حالىقارالىق تەحنولوگيالىق فورۋمى اياسىندا تسيفرلاندىرۋ سالاسىنداعى ۇزدىك جەتىستىكتەرى ءۇشىن ءداستۇرلى جىل سايىنعى سىيلىق تابىس ەتىلەدى. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى حابارلادى.
جەڭىمپازدار التى اتالىم بويىنشا بەلگىلەنەدى. اتاپ ايتقاندا, EdTech Company of the Year; MedTech Company of the Year; FinTech Company of the Year; e-Commerce Company of the Year; Woman in Tech of the Year; Venture Capitalist of the Year اتالىمدارى بويىنشا باق سىناۋعا بولادى.
IT-سالاسىنداعى بارلىق كومپانيا Digital Almaty Awards بولىمىندە ء«وتىنىم بەرۋ» باتىرماسىن باسىپ, فورۋمنىڭ almatydigital.kz سايتىندا سىيلىق الۋعا ءوتىنىمدى بەرە الادى. وتىنىمدەر 21 قاڭتارعا دەيىن قابىلدانادى. جەڭىمپازدار 2023 جىلدىڭ 2-3 اقپانىندا «Digital Almaty: جاڭا بولمىستاعى تسيفرلىق ارىپتەستىك» فورۋم بارىسىندا ماراپاتتالادى.
ايتا كەتەلىك, العاشقى رەت اتالعان سىيلىق «Digital Almaty: جاھاندىق ەكونوميكانىڭ تسيفرلىق بولاشاعى» فورۋمىندا 2020 جىلى بەرىلگەن, وندا 10 تسيفرلىق جوبا ۇسىنىلعان, ونىڭ ىشىندەگى 8-ءى «IT-چەمپيونى» ساناتىنداعى قازاقستاننىڭ ۇزدىك IT-كومپانيالارى ونىمدەرى جانە 2 جوبا Astana Hub برەندتەگى ستارتاپتار.
Digital Almaty – تسيفرلىق كۇن ءتارتىبىن, تسيفرلىق ترانسفورماتسيانىڭ جاڭا ستراتەگيالارىن جانە تسيفرلىق تەحنولوگيالار سالاسىنداعى ترەندتەردى تالقىلاۋعا ارنالعان ءداستۇرلى ديالوگ الاڭى. فورۋم 2018 جىلدان باستاپ بەس رەت وتكىزىلدى. ءىس-شارانى ەلىمىزدىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, سىرتقى ىستەر مينيسترلىگى, الماتى قالاسىنىڭ اكىمدىگى, Tech Garden جانە Astana Hub ۇيىمداستىرادى.
«ەگەمەن-اقپارات»