وتاندىق تاكسيدىڭ مۇمكىندىگى مول

كەزدەسۋ بارىسىندا العا قويىلىپ وتىرعان ماقسات, مىندەتتەر, سونىمەن قاتار سەرۆيستى ودان ءارى دامىتۋ ماسەلەلەرى تالقىلاندى. قا­زىرگى ۋاقىتتا كومپانيانىڭ باسقا قالا­لار نا­رىعىنا شىعۋى قاراستىرىلىپ جاتىر. ءمي­نيستر­دىڭ پىكىرىنە قاراعاندا, Aparu-دا Uber نەمەسە ياندەكسGo سياقتى الپاۋىتتارعا باسەكەلەستىك جاساي الاتىنداي بارلىق مۇم­كىندىك بار.

«مەن قازاقستاندىق سەرۆيستىڭ باسەكەگە قابىلەتتى بولا الارىنا سەنەمىن. مىسال رەتىندە 10 جىلدان بەرى جولاۋشىلار تاسىمالىمەن اينالىسىپ كەلە جاتقان وتاندىق «Aparu» كومپانياسىن ايتار ەدىم. Aparu 10 جىلدان بەرى وسكەمەندە تاكسي قىزمەتى رەتىندە جۇمىس ىستەيدى جانە تۇرعىندار اراسىندا سەرۆيستىڭ تانىمالدىلىعى وتە جوعارى. ۇلكەن كولەمدەگى سۇرانىس ساپالى ۇسىنىس پەن قىزمەت كورسەتۋدىڭ جوعارى دەڭگەيىنە اسەر ەتىپ وتىر. سوڭعى جىلدارى بۇل سەرۆيس كۇنىنە 50 مىڭعا جۋىق تاپسىرىس قابىلداي باستادى. وسى كومپانيانىڭ باسشىسى ەرلان شاياحمەتوۆپەن كەزدەستىم. قاي جەردە باسەكە بولسا, سول جەردە دامۋ بار. ءبىز ءوز تاراپىمىزدان قازاقستاندىق كومپانيالاردى قولداۋعا جانە ولاردىڭ ءارى قارايعى وسۋىنە جاعداي جاسايمىز», دەدى ب.مۋسين.

ەسكە سالايىق, ەلىمىزدە Uber, InDrive جانە ياندەكسGo سەرۆيستەرى وتە تانىمال. ايتپاقشى, سوڭعىسىنىڭ باعانى نەگىزسىز كوتەرۋىنە بايلانىستى داۋ ءالى اياقتالعان جوق. «ياندەكس.تاكسي» ۇلەسى الماتى قالاسى بويىنشا 2020 جىلى – 83,78 پايىز, 2021 جىلى – 84,34 پايىز, 2022 جىلدىڭ ءبىرىنشى جارتىجىلدىعىندا 95,3 پايىزدى قۇراعان. استانا قالاسى بويىنشا 2020 جىلى ۇلەسى – 60,7 پايىز, 2021 جىلى – 67,3 پايىز.

«ياندەكس.تاكسيدىڭ» بۇگىنگى جاعدايى ونىڭ 2 جىل نەمەسە ودان دا كوپ ۋاقىت ىشىندە تۇراقتى ءوسۋىن كورسەتەدى. بۇل نارىقتاعى جالپى جاعدايدى باقىلاۋعا جانە ايتارلىقتاي اسەر ەتۋگە مۇمكىندىك بەرەدى. «ياندەكس.تاكسي» كوميسسياسى قوسىمشا قۇن سالىعى ەسەبىمەن 17 پايىزدى قۇرايدى. بۇل رەتتە «ياندەكس.تاكسي» باسەكەلەسى­نىڭ ەڭ جوعارى نارىقتاعى كوميس­سياسى – 12,5 پايىز. سوندىقتان «ياندەكس.تاكسي» كوميسسياسى نارىقتاعى ەڭ جوعارعى كورسەتكىشتەن 36 پا­يىزعا كوپ. بۇدان بولەك, «ياندەكس.تاكسيدەن» باسقا جۇرگىزۋشىلەردەن 4 پايىزدان تۇراتىن كوميسسيانى سەرىكتەس تاكسوپاركتەرى دە الادى. ال بۇل قازاقستان رەسپۋبليكاسىندا جول ءجۇرۋ قۇنىنىڭ جالپى قىمباتتاۋىنا اكەلىپ سوعادى», دەپ مالىمدەگەن ەدى باسەكەلەستىكتى قورعاۋ جانە دامىتۋ اگەنتتىگىنىڭ وكىلدەرى.

2022 جىلى 29 جەلتوقساندا الماتى قالا­سىنىڭ مامانداندىرىلعان اۋدانارالىق اكىمشىلىك سوتى باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتى شىعارعان بۇيرىقتىڭ كۇشىن ءىشىنارا جويۋ تۋرالى شەشىمىن شىعاردى. نەگىزگى سەبەپ – تەرگەۋگە دەيىن 2022 جىلعى تالداۋدىڭ بولماۋى. سوت «ياندەكس.تاكسي» تاراپىنان زاڭنامانى بۇزۋ بەلگىلەرى بارىن راستالعانىن كەلتىرىپ, ۋاكىلەتتى ورگان ءتيىستى تالداۋ جۇرگىزىلگەننەن كەيىن 2022 جىلعى قىزمەتى ءۇشىن تەرگەۋ اشۋعا قۇقىلى دەدى. وسىعان بايلانىستى مونوپولياعا قارسى ورگاننىڭ تەرگەۋى جالعاساتىن بولادى. بۇگىنگى تاڭدا باسەكەلەستىكتى قورعاۋ جانە دامىتۋ اگەنتتىگى «ياندەكس.تاكسيدىڭ» 2022 جىلى مونوپوليالىق جوعارى باعالاردى بەلگىلەۋ تۇرعىسىنان ارەكەتتەرىن تالداۋدا.

وسى رەتتە «ياندەكس.تاكسيگە» قاتىستى تەر­گەۋدى باستاۋعا كليەنتتەردىڭ كومپانيا بەل­گىلەگەن جوعارى باعاعا, ال جۇرگىزۋشىلەردىڭ كوميسسيا كولەمىمەن كەلىسپەيتىندىكتەرى تۋرالى كوپتەگەن شاعىم نەگىز بولعانىن ەسكە سالۋ قاجەت.