پرەمەر-ءمينيستردىڭ ورىنباسارى - قارجى ءمينيسترى ەرۇلان جاماۋباەۆتىڭ 2023 جىلعى 10 قاڭتارداعى بۇيرىعىمەن تەمەكى ونىمدەرىنە ەڭ تومەنگى بولشەك ساۋدا باعاسى ۇلعايتىلدى, دەپ حابارلايدى Egemen.kz.
ماسەلەن, سۇزگىسى بار, سۇزگىسى جوق 20 تەمەكىنىڭ, پاپيروستاردىڭ, سيگاريللالاردىڭ جانە قىزدىرىلاتىن تەمەكى بۇيىمداردىڭ ەڭ تومەنگى بولشەك باعاسى 650 تەڭگە مولشەرىندە بەلگىلەنگەن.
وسىلايشا, وتكەن جىلمەن سالىستىرعاندا تەمەكى ونىمدەرىنىڭ ەڭ تومەنگى بولشەك باعاسى 60 تەڭگەگە ءوستى. بۇيرىق 2023 جىلعى 23 قاڭتاردان باستاپ قولدانىسقا ەنەدى.
2022 جىلدىڭ ەكىنشى جارتىسىندا تەمەكىنىڭ بولشەك ساۋداداعى ەڭ تومەنگى قۇنى ءبىر قوراپ ءۇشىن 590 تەڭگەنى قۇراعان ەدى.
ايتا كەتسەك, قازاقستاندا تەمەكى باعاسى جىلىنا ەكى رەت كوتەرىلەدى.