توتەنشە جاعدايلار مينيسترلىگى اقتاۋ قالاسىنداعى تەحنيكالىق قىزمەت كورسەتۋ ستانتسياسىندا بولعان جارىلىس تۋرالى تولىق مالىمەت بەردى, دەپ حابارلايدى Egemen.kz.
تقس قىزمەتكەرى قايتىس بولدى, كۇيىك شالعان تاعى ءۇش ەر ادام ماڭعىستاۋ وبلىستىق اۋرۋحاناسىنا جاتقىزىلدى.
بۇگىن ساعات 18:20-دا ماڭعىستاۋ وبلىسى تجد «101» پۋلتىنە اقتاۋ قالاسىنداعى تەحنيكالىق قىزمەت كورسەتۋ ستانتسيالارىنىڭ بىرىندە ءورت شىققانى تۋرالى حابارلاما تۇسكەن.
توتەنشە جاعدايلار مينيسترلىگى ءورت كەزىندە 6 تۇرمىستىق گاز باللونى جارىلعانىن حابارلادى.
بۇل رەتتە ءورتتى جويۋ بارىسىندا ءورت سوندىرۋشىلەر ءوز ومىرلەرىنە قاۋىپ ءتونىپ تۇرعان تاعى 17 گاز باللونىن شىعارىپ ۇلگەردى. ءورت ساعات 18:48-دە ءسوندىرىلدى. ءورت اۋماعى 50 شارشى مەتردى قۇرايدى.
ءورتتى اۋىزدىقتاۋعا 25 ءورت ءسوندىرۋشى-قۇتقارۋشى قىزمەتكەرلەرى جىبەرىلدى. سونداي-اق 6 بىرلىك ءورت ءسوندىرۋ تەحنيكاسى جۇمىلدىرىلدى. وقيعا ورنىنا تجم اپاتتار مەديتسيناسى ورتالىعىنىڭ قىزمەتكەرلەرى جىبەرىلدى.