اقىلى وقيمىن دەسەڭىز...

قازىر مبجج باعدارلاماسىنا ەكىنشى دەڭگەيدەگى 4 بانك قاتىسادى, جالپى سوماسى 33,5 ملرد تەڭگەگە 22 مىڭ ءبىلىم بەرۋ دەپوزيتى اشىل­عان. ەندى ساقتاندىرۋ ۇيىمدارى بانك­تەرمەن قاتار حالىققا وسى ين­ۆەس­تيتسيالىق ءونىمدى ۇسىنا الادى. 2022 جىلعى 12 قىركۇيەك­تە ساقتاندىرۋ ۇيىمدارىنىڭ مەملەكەتتىك ءبىلىم بەرۋ جيناقتاۋ جۇيەسىنە قاتىسۋىنا مۇمكىندىك بەرەتىن زاڭنامالىق تۇزەتۋلەر كۇشىنە ەنگەن بولاتىن.

مبجج شەڭبەرىندە ساق­تاندىرۋ شارتىن جاساسۋ ارقىلى اتا-انالار ساقتاندىرۋ ۇيىمى ەسەپتەيتىن ينۆەستيتسيالىق كىرىسكە قوسىمشا جىلدىق 5 پايىزدان 7 پايىزعا دەيىنگى مولشەردە مەملەكەت سىيلىقاقىسىن الا وتىرىپ, ءوز بالالارىن وقىتۋعا قاراجات جيناقتاي الادى.

قارجى نارىعىن رەتتەۋ جانە دامىتۋ اگەنتتىگىنىڭ مالىمەتىنشە, ساقتاندىرۋ ءونىمىنىڭ باسقا دا ارتىقشىلىقتارى بار:

بىرىنشىدەن, دەپوزيتكە قارا­عاندا (8 پايىزدان 10 پايىزعا دەيىن) كىرىستىلىك مولشەرلەمەسىنە ساقتاندىرۋ شارتىنىڭ بۇكىل قولدانىلۋ مەرزىمىندە كەپىلدىك بەرىلەدى.

ەكىنشىدەن, ساقتاندىرۋ تولەم­دەرىنە كەپىلدىك بەرۋ قورى­نىڭ كەپىلدىگى تولىق جيناقتال­عان سومانى وتەيدى, ال قازاقستاننىڭ دەپوزيتتەرگە كەپىلدىك بەرۋ قورىنىڭ كەپىلدىگى 20 ملن تەڭگەگە دەيىنگى سومانى عانا وتەيدى.

ۇشىنشىدەن, اتا-اناسى ەڭبەك ەتۋ قابىلەتتىلىگىنەن ايىرىلعان نەمەسە قايتىس بولعان جاعدايدا, جيناقتالعان سوماعا قاراماستان وقۋدىڭ تولىق قۇنى تولەنەدى.

بۇگىندە اگەنتتىك «مەملەكەتتىك ءبىلىم بەرۋ جيناقتاۋ جۇيەسى شەڭبەرىندە ءومىردى ساقتاندىرۋ» ەرىكتى نىسانىندا ساقتاندىرۋدىڭ قوسىمشا سىنىبىن ەنگىزە وتىرىپ, ء«ومىردى ساقتاندىرۋ» سالاسى بويىنشا ساقتاندىرۋ (قايتا ساقتاندىرۋ) قىزمەتىن جۇزەگە اسىرۋ قۇقىعىنا مىناداي ساقتاندىرۋ ۇيىمدارىنا ليتسەنزيالار بەردى:

«قازاقستان حالىق بانكىنىڭ ءومىردى ساقتاندىرۋ بويىنشا «حالىق-Life» ەنشىلەس كومپانيا­سى» اق; «Freedom Finance Life» ءومىردى ساقتاندىرۋ كومپانياسى» اق; «ەۆرازيا» ءومىردى ساقتاندىرۋ كومپانياسى» اق.

ءومىردى ساقتاندىرۋ كومپا­نيالارىنىڭ مبجج-عا قاتىسۋى اتا-انالاردىڭ كوپشىلىگىنە بالالارىن وقىتۋعا قاراجات جيناۋعا مۇمكىندىك بەرەدى. بۇل – مەملەكەت سۋبسيدياسى بار العاشقى ساقتاندىرۋ ءونىمى.