قازاقستاننىڭ تاجىكستانداعى ەلشىلىگىنىڭ باستاماسىمەن جانە تۇركىستان وبلىسى اكىمدىگىنىڭ قولداۋىمەن قازاقستان مەن تاجىكستان اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا ارنالعان ءشامشى قالداياقوۆ اتىنداعى وبلىستىق فيلارمونياسىنىڭ ونەر شەبەرلەرىنىڭ كونتسەرتى ءوتتى, دەپ حابارلايدى Egemen.kz.
سالتاناتتى شاراعا تاجىكستان رەسپۋبليكاسىنىڭ مينيسترلىكتەرى مەن ۆەدومستۆولارىنىڭ, باق وكىلدەرى جانە ەلدە اككرەديتتەلگەن ديپلوماتيالىق كورپۋس قاتىستى.
قازاقستان ەلشىسى ءۋاليحان تورەحانوۆ ءوزىنىڭ قۇتتىقتاۋ سوزىندە ەكى ەل اراسىنداعى ءوزارا قارىم-قاتىناستىڭ جوعارى دەڭگەيىن, ستراتەگيالىق ارىپتەستىك, ءوزارا ءتيىمدى ساۋدا-ەكونوميكالىق جانە مادەني-گۋمانيتارلىق ىنتىماقتاستىق جايلى اتاپ ءوتتى.
سالتاناتتى كونتسەرت بارىسىندا قازاقتىڭ حالىق اندەرى مەن كۇيلەرى, ش. قالداياقوۆ, ن. تىلەنديەۆ, م. بايبوسىنوۆ جانە باسقا دا اۆتورلاردىڭ بەلگىلى شىعارمالارى ورىندالدى.