الەكساندر دانيلوۆ اقپارات جانە قوعامدىق دامۋ ۆيتسە-ءمينيسترى قىزمەتىنەن ءوز ەركىمەن بوساتىلدى, دەپ حابارلايدى Egemen.kz.
«قازاقستان ۇكىمەتىنىڭ قاۋلىسىمەن الەكساندر سەرگەەۆيچ دانيلوۆ بەرىلگەن وتىنىشكە سايكەس اقپارات جانە قوعامدىق دامۋ ۆيتسە-ءمينيسترى قىزمەتىنەن بوساتىلدى», دەلىنگەن Primeminister.kz سايتىنىڭ حابارلاماسىندا.
الەكساندر دانيلوۆ 1991 جىلى 16 جەلتوقساندا قاراعاندىدا دۇنيەگە كەلگەن.
ول قاراعاندى مەملەكەتتىك تەحنيكالىق ۋنيۆەرسيتەتىن جانە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن.
ەڭبەك جولىن قوعامدىق سەكتوردا باستاعان, ءار جىلدارى بىرقاتار جاستار قوعامدىق ۇيىمدارىنىڭ باسشىسى بولدى. سونداي-اق جەكە ۇيىمداردا باسشىلىق قىزمەتتەر اتقاردى. 2020 جىلدىڭ شىلدەسىنەن 2022 جىلدىڭ قاڭتارىنا دەيىن Stopfake.kz جوباسىنىڭ جەتەكشىسى بولدى.
2022 جىلدىڭ قاڭتار ايىنان باستاپ قازىرگى ۋاقىتقا دەيىن اقپارات جانە قوعامدىق دامۋ ۆيتسە-ءمينيسترى قىزمەتىن اتقاردى.