وقيعا ورنىنا دەرەۋ قۇتقارۋ توبى شىعىپ, «102» جانە «103» قىزمەتتەرى دە جىبەرىلدى.
وسى كەزدە سەمەي قالاسى كقجبو ديسپەتچەرلەرى ازاماتتىق قورعاۋ ستارشيناسى جانە ازاماتتىق قورعاۋ لەيتەنانتى بەينەبايلانىس ارقىلى بالاعا حابارلاستى. اشىق كۇيىك بولماعانىنا كوز جەتكىزگەننەن كەيىن ولار بالالارعا پسيحولوگيالىق كومەك كورسەتىپ, بالادان بولمەنى جەلدەتۋ ءۇشىن تەرەزەلەردى اشۋدى سۇراعان.
ۆەدومستۆو وكىلدەرىنىڭ مالىمدەۋىنشە, وقيعا ورنىنا جەتكەن قۇتقارۋشىلار ۇيدە بالالار جالعىز قالعانىن, كۇيىكتىڭ ءيىسى شىعاتىنىن انىقتاپ, ەسىكتىڭ قۇلپىن بۇزىپ, بالالاردى جەدەل جاردەم دارىگەرلەرىنە تاپسىردى.
«بالالاردى دارىگەرلەر قاراعاننان كەيىن سەمەي قالاسىنداعى بالالار اۋرۋحاناسىنا الىپ كەتۋگە تۋرا كەلدى. جەڭىل كومىرتەگى توتىعىمەن ۋلانۋدىڭ الدىن-الا دياگنوزى قويىلدى. قازىر بالالاردىڭ جاعدايى قاناعاتتانارلىق», دەپ حابارلادى اباي وبلىسى تجد ءباسپاسوز قىزمەتىنەن.
اباي اۋدانى توتەنشە جاعدايلار دەپارتامەنتى قالا تۇرعىندارى مەن قوناقتارىنان بالالاردى ەرەسەكتەردىڭ قاراۋىنسىز قالدىرماۋدى, سونداي-اق ءورت قاۋىپسىزدىگى ەرەجەلەرىن قاتاڭ ساقتاۋدى سۇرايدى.