بۇگىن ساعات 10:00-دە پارلامەنت ماجىلىسىندە 2023 جىلدىڭ ءبىرىنشى پلەنارلىق وتىرىسى باستالدى. جيىن قاڭتارداعى وقيعالارعا ارنالعان, دەپ حابارلايدى Egemen.kz.
پلەنارلىق وتىرىس باستالار الدىندا ساعات 9:00-دە ءماجىلىس زالىندا ارنايى كورمەنىڭ جۇمىسى ۇيىمداستىرىلدى.
پلەنارلىق وتىرىس بارىسىندا ەرلان قوشانوۆ قاڭتار ايىنداعى وقيعالاردا قازا تاپقانداردى ءبىر مينۋتتىق ۇنسىزدىكپەن ەسكە الۋدى ۇسىندى.
باس پروكۋرور بەرىك اسىلوۆ «جاڭا قازاقستان» دەپۋتاتتىق توبىنىڭ 2022 جىلعى قاڭتاردا بولعان قايعىلى وقيعالار تۋرالى سۇراۋىنا اۋىزشا جاۋاپ بەرەدى دەپ كۇتىلەدى.