قازاقستاندىق كاسىپكەر قايرات بورانباەۆتىڭ ادۆوكاتتارى بۇلتارتپاۋ شاراسىن ءۇي قاماعىنا اۋىستىرۋدى سۇرادى. الايدا سوت ءوتىنىشتى قاناعاتتاندىرمادى, دەپ حابارلايدى Egemen.kz.
«قاتىسۋشىلاردىڭ پىكىرىن تىڭداعاننان كەيىن سوت كەلەسى قورىتىندىعا كەلدى. قر قىجك-ءنىڭ 153-بابىنىڭ تالاپتارىنا سايكەس, بۇلتارتپاۋ شاراسى قاجەتتىلىك بولماعان كەزدە نەمەسە قر قىجك-ءنىڭ 136, 138-باپتارىندا كوزدەلگەن نەگىزدەر, ءمان-جايلار وزگەرگەن كەزدە جويىلادى. استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ 2022 جىلعى 17 ناۋرىزداعى قاۋلىسىمەن بورانباەۆ پەن ناحانوۆقا قاتىستى قاماۋدا ۇستاۋ تۇرىندەگى بۇلتارتپاۋ شارالارىنا سانكتسيا بەرىلدى», دەدى سارىارقا سوتىنىڭ سۋدياسى نازگۇل باپاقوۆا.
ونىڭ ايتۋىنشا, استانا سوتىنىڭ قىلمىستىق ىستەر جونىندەگى اپەللياتسيالىق سوت القاسىنىڭ قاۋلىسى وزگەرىسسىز قالدى.
«ناحانوۆ پەن بورانباەۆقا قاتىستى بۇلتارتپاۋ شاراسىن وزگەرتۋدىڭ نەگىزدەرى مەن ءمان-جايلارى جوق. قورعاۋشىلاردىڭ قولداۋحاتتارىندا ولاردىڭ قورعاۋشىلارىنىڭ دەنساۋلىعىنىڭ ناشارلاۋى بولىگىندە دالەلدەرمەن سوتتالۋشىلار مەديتسينالىق كومەك كورسەتۋ ءۇشىن قاماۋدا ۇستالاتىن مەديتسينالىق پۋنكتكە جۇگىنۋگە قۇقىلى. قر قىجك-ءنىڭ 147-بابىنىڭ 1-بولىگىنە سايكەس كۇزەتپەن ۇستاۋ بۇلتارتپاۋ شاراسى رەتىندە سۋديانىڭ سانكتسياسىمەن جانە قىلمىس جاساۋدا زاڭمەن 5 جىلدان استام مەرزىمگە باس بوستاندىعىنان ايىرۋ تۇرىندەگى جازا كوزدەلگەن سوتتالۋشىلارعا قاتىستى عانا قولدانىلادى», دەپ اتاپ ءوتتى سۋديا.