سەنات توراعاسى ماۋلەن اشىمباەۆ الماتى قالالىق ءماسليحاتىنىڭ دەپۋتاتتارىمەن كەزدەستى. كەزدەسۋدە ەلىمىزدە جۇرگىزىلىپ جاتقان كەشەندى دەموكراتيالىق رەفورمالار جانە قازاقستاننىڭ ساياسي جۇيەسىندەگى جاڭعىرتۋلار جان-جاقتى تالقىلاندى.
سەنات سپيكەرى ءوز سوزىندە ادىلەتتى قازاقستان قۇرۋدىڭ نەگىزگى قاعيداتتارىنا نازار اۋدارىپ, وسى باعىتتا بارلىق دەڭگەيدەگى وكىلدى ورگانداردىڭ بىرلەسكەن جۇمىسى ماڭىزدى ەكەنىن ايتتى.
سونداي-اق ماۋلەن اشىمباەۆ الداعى پارلامەنت جانە ءماسليحاتتار سايلاۋىنا توقتالدى. سەنات ناعىز وڭىرلەردىڭ مۇددەسىن قورعايتىن پالاتاعا اينالادى. وسىعان قاتىستى وزگەرىستەر بويىنشا دا ءسوز قوزعالدى. سەنات توراعاسى مۇنىڭ ءبارى مەملەكەت باسشىسى قاسىم-جومارت توقاەۆتىڭ باستاماسىمەن ىسكە اسىرىلعان كونستيتۋتسيالىق رەفورمانىڭ لايىقتى جالعاسى ەكەنىن اتاپ ءوتتى.
«الداعى ۋاقىتتا پارلامەنت جاڭا جاعدايدا جانە جاڭا تالاپتار مەن مىندەتتەردى ەسكەرە وتىرىپ جۇمىس ىستەيدى. سەنات ناعىز وڭىرلەردىڭ مۇددەسىن قورعايتىن ورگانعا اينالۋعا ءتيىس. ماڭىزدى ەكونوميكالىق جانە الەۋمەتتىك پروتسەستەر كوبىنە جەرگىلىكتى جەرلەردە بولاتىنى بەلگىلى. وڭىرلەردى كەشەندى دامىتپاي تۇتاس ەلدىڭ وركەندەۋىن جاڭا دەڭگەيگە شىعارۋ مۇمكىن ەمەس. سوندىقتان ادىلەتتى قازاقستان قۇرۋ ءۇشىن وسى باعىتقا باسىمدىق بەرۋىمىز كەرەك», دەدى م.اشىمباەۆ.
سونىمەن قاتار پالاتا توراعاسى وسى اپتادا سەناتورلار قابىلداعان «اگلومەراتسيالاردى دامىتۋ تۋرالى» زاڭ وڭىرلەردى جان-جاقتى دامىتۋدى كوزدەيتىنىن ايتتى. وسى زاڭ اياسىندا كەشەندى جوسپار قابىلدانادى. ودان بولەك, زاڭنىڭ نورمالارىن ىسكە اسىرۋ ازاماتتاردى قونىستاندىرۋ جانە وندىرىستىك كۇشتەردى ورنالاستىرۋ جۇيەسىن جەتىلدىرۋگە, ينجەنەرلىك, كولىكتىك جانە الەۋمەتتىك ينفراقۇرىلىمدى ءتيىمدى پايدالانۋعا وڭ اسەرىن تيگىزەدى. وسىعان وراي م.اشىمباەۆ ەلىمىزدەگى ەڭ ءىرى الماتى اگلومەراتسياسىن دامىتۋ ءۇشىن سەنات پەن ءماسليحات دەپۋتاتتارى بىرلەسىپ جۇمىس ىستەۋى كەرەكتىگىن قاپەرگە الدى.
«وڭىرلەردە مەملەكەت باسشىسى بەرگەن تاپسىرمالاردىڭ, ۇلتتىق جوبالاردىڭ, شاعىن جانە ورتا بيزنەستى قولداۋ باعدارلامالارىنىڭ جانە باسقا دا ماڭىزدى باسىمدىقتاردىڭ ىسكە اسىرىلۋ بارىسىن باقىلاۋعا ەرەكشە نازار اۋدارىلادى. سەناتتىڭ نەگىزگى مىندەتتەرىنىڭ ءبىرى – وڭىرلەردىڭ مۇددەسىن قورعاۋ جانە وكىلدىك ەتۋ. ماسليحاتتارمەن تىعىز ءوزارا ءىس-قيمىل وسى باسىمدىقتىڭ نەگىزگى شارتى ەكەنى ءسوزسىز», دەدى م.اشىمباەۆ.
سەنات توراعاسى الماتى قالاسىنداعى «الاتاۋ» الەۋمەتتىك قىزمەتتەر ورتالىعىنىڭ ۇجىمىمەن دە كەزدەستى. بۇل جەردە مۇگەدەكتىگى بار ازاماتتارعا ءتۇرلى باعىت بويىنشا الەۋمەتتىك جانە مەديتسينالىق قىزمەتتەر كورسەتىلەدى.
م.اشىمباەۆ قازاقستاندىقتاردىڭ دەنساۋلىعىن جاقسارتۋ, مەديتسينالىق قىزمەتتىڭ ساپاسىن ارتتىرۋ جانە دەنساۋلىق ساقتاۋدىڭ قولجەتىمدىلىگىن قامتاماسىز ەتۋ مەملەكەتتىڭ الەۋمەتتىك ساياساتىنىڭ ماڭىزدى باعىتى ەكەنىن ايتتى. سونداي-اق ول مەملەكەت باسشىسى قاسىم-جومارت توقاەۆ وسى سالاعا ۇنەمى باسا ءمان بەرىپ كەلە جاتقانىن تىلگە تيەك ەتتى.
سەنات توراعاسى دەنساۋلىق ساقتاۋ سالاسىنا قاتىستى الداعى زاڭنامالىق جۇمىستارعا دا توقتالدى جانە ورتالىق ۇجىمىنا قامكوڭىل جاندارعا قامقورلىق كورسەتىپ, ەلىمىزدە وسى باعىتتىڭ جاندانۋىنا قوسقان ۇلەسى ءۇشىن العىس ءبىلدىردى.
«مەملەكەت باسشىسىنىڭ تاپسىرماسىمەن جىل سايىن مەديتسينا قىزمەتكەرلەرىنىڭ جالاقىلارىن كوبەيتۋگە قاتىستى ناقتى شارالار قابىلدانىپ كەلەدى. كەلەر 2023 جىلدان باستاپ دارىگەرلەردىڭ جالاقىسى – 30 پايىزعا, ورتا مەديتسينالىق پەرسونالداردىكى 20 پايىزعا وسەدى. الداعى كەزەڭدە دەنساۋلىق ساقتاۋعا بولىنەتىن قاراجاتتىڭ كولەمى ۇلعايا بەرەدى. 2027 جىلى ونىڭ كولەمى جالپى ىشكى ءونىمنىڭ كەمىندە 5 پايىزىنا جەتۋگە ءتيىس. دارىگەر مارتەبەسى زاڭ جۇزىندە بەكىتىلەدى. وسىنداي ناقتى شارالار مەديتسينا قىزمەتكەرلەرىن قورعاۋعا جانە قولداۋعا, كاسىپتىڭ بەدەلىن ارتتىرۋعا ىقپال ەتەدى دەپ سەنەمىز», دەدى م.اشىمباەۆ.