سقو-دا «ماس جۇرگىزۋشى» جەدەل-پروفيلاكتيكالىق ءىس-شاراسى اياسىندا 10 كۇندە 31 فاكت تىركەلدى, دەپ حابارلايدى Egemen.kz.
ءتارتىپ ساقشىلارىنىڭ ايتۋىنشا, ىشىمدىك ىشكەن جۇرگىزۋشى 15 تاۋلىككە اكىمشىلىك قاماۋعا الىنادى. سونداي-اق 7 جىلعا كولىك باسقارۋ قۇقىعىنان ايىرىلۋى مۇمكىن.
«11 ايدا وبلىستا ماس اۆتوكولىك جۇرگىزۋشىلەرىنىڭ كىناسىنەن 26 جول-كولىك وقيعاسى تىركەلىپ, 6 ادام قازا تاپتى, 27 ادام جاراقات اللى», دەدى سقو پد جپق باسقارماسىنىڭ باستىعى ايدىن بايماتوۆ.
سونداي-اق ءجپىش كەزىندە پوليتسەيلەر جىلدامدىقتى اسىرعانى ءۇشىن 137 جۇرگىزۋشىنى, مانەۆر جاساۋ ەرەجەلەرىن بۇزعانى ءۇشىن 51 جۇرگىزۋشىنى, باعدارشامنىڭ تىيىم سالىنعان بەلگىسىنە جۇرگەن 25 جۇرگىزۋشىنى جاۋاپكەرشىلىككە تارتتى. بارلىعى 2 مىڭنان استام جول قوزعالىسى ەرەجەلەرىن بۇزۋ انىقتالدى.