قازاقستاندا ءۇش اۋىسىمدى مەكتەپتەر كوبەيدى

2021-2022 وقۋ جىلىندا قازاقستاندا 169 ءۇش اۋىسىمدى مەكتەپ جۇمىس ىستەدى. بۇل وتكەن جىلمەن سالىستىرعاندا 5,6% - عا كوپ (160 مەكتەپ). ءۇش جىل ىشىندە مۇنداي مەكتەپتەردىڭ سانى بىردەن 32% - عا ءوستى.

بۇگىنگى تاڭدا ءۇش اۋىسىمدى مەكتەپتەردە 291,1 مىڭ وقۋشى وقيدى, بۇل وتكەن جىلمەن سالىستىرعاندا 4,9%-عا كوپ.

Ranking.kz دەرەكتەرىنە سايكەس, وڭىرلىك بولىنىستە ەڭ كوپ ءۇش اۋىسىمدى مەكتەپتەر الماتىدا (59 مەكتەپ), سونداي-اق ماڭعىستاۋ (18 مەكتەپ), اتىراۋ (17 مەكتەپ), تۇركىستان (15 مەكتەپ) جانە پاۆلودار (10 مەكتەپ) وبلىستارىندا بايقالادى.

19 تامىزدا پرەمەر-ءمينيستردىڭ ورىنباسارى ەرالى توعجانوۆ وڭىرلەردىڭ بارلىق اكىمدەرىنە ءۇش اۋىسىمدى جانە اپاتتى مەكتەپتەردى تولىعىمەن جويۋدى تاپسىرعان ەدى.