استانادا QAZAQSTAN جەڭىل اتلەتيكا سپورت كەشەنى ارەناسىندا امەن تۇياقوۆتىڭ جۇلدەسىنە ارنالعان جەڭىل اتلەتيكادان حالىقارالىق تۋرنير ءوتتى, دەپ حابارلايدى Egemen.kz ۇوك سىلتەمە جاساپ.
جارىستى اتى اڭىزعا اينالعان قازاقستاندىق سپورتشى ءامeن تۇياقوۆ, سونداي-اق, مادەنيەت جانە سپورت ۆيتسە-ءمينيسترى سەرىك جاراسباەۆ, استانا قالاسى اكىمىنىڭ ورىنباسارى ەرلان بەكمۇرزاەۆ جانە جەڭىل اتلەتيكا فەدەراتسياسىنىڭ باس حاتشىسى اسحات سەيسەمبەكوۆ رەسمي تۇردە اشتى.
تۋرنير باعدارلاماسىنا ەرلەر مەن ايەلدەر اراسىنداعى جەڭىل اتلەتيكانىڭ 15 ءپانى كىردى.
مەدالدارمەن, ديپلومدارمەن قاتار جۇلدەگەرلەرگە 100 000, 50 000 جانە 30 000 تەڭگە مولشەرىندە اقشالاي سىيلىقتارعا سەرتيفيكاتتار تابىس ەتىلدى.
ءبىرىنشى حالىقارالىق تۋرنيرگە گونكونگ, قىرعىزستان, تاجىكستان, ۋكراينا جانە قازاقستان سپورتشىلارى قاتىستى.
ايتا كەتەيىك, امەن تۇياقوۆتىڭ جۇلدەسىنە ارنالعان تۋرنير 2022/2023 جىلعى قىسقى جارىس ماۋسىمىن اشتى. بۇل استانادا حالىقارالىق دەڭگەيدە وتكەن جەڭىل اتلەتيكادان العاشقى جارىستاردىڭ ءبىرى.