پاۆلودار وبلىسىندا جەكە تۇرعىن ۇيدەگى ورتتەن 64 جاستاعى ەر ادام مەن 6 جاسار بالا قايتىس بولدى. ۋلانعان تاعى ءبىر بالا اۋرۋحاناعا جەتكىزىلدى, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلاعانداي, ءورت پاۆلودار وبلىسى تەرەڭكول اۋىلىندا بولعان.
ء«ورت تۋرالى حابار 19 جەلتوقسان كۇنى ساعات 23:13-تە ءتۇستى. شامامەن 64 شارشى مەتر اۋماقتا ەكى بولمەلى قامىس ءۇي ورتەنىپ, شاتىرى جارتىلاي وپىرىلعان. ءورت سوندىرۋشىلەر كەلگەنگە دەيىن 2019 جىلى تۋعان بالانى كورشىسى قۇتقارىپ قالدى», دەلىنگەن حابارلامادا.
زارداپ شەككەن بالا ء«بىرىنشى دارەجەلى قاباعى مەن بەتىنىڭ تەرميالىق كۇيىگى» دياگنوزىمەن اۋرۋحاناعا جاتقىزىلدى.
«اسحاناداعى ۇيىندىلەردىڭ استىنان بارلاۋ جانە ءورت ءسوندىرۋ بارىسىندا 1958 جىلى تۋعان ەر ادام مەن 2016 جىلى تۋعان ۇل بالانىڭ كۇيگەن مايىتتەرى تابىلدى», دەيدى ءورت ءسوندىرۋ قىزمەتىنىڭ كەزەكشى قىزمەتكەرى داۋلەت قايىربەكوۆ.
ءورت 20 جەلتوقسان كۇنى ساعات 01:47-دە جويىلدى. ءورتتى سوندىرۋگە وبلىستىڭ توتەنشە جاعدايلار دەپارتامەنتىنىڭ 21 قىزمەتكەرى قاتىسىپ, ءۇش تەحنيكا جۇمىلدىرىلدى.
وقيعا ورنىنا پوليتسيا, جەدەل جاردەم قىزمەتكەرلەرى مەن جەرگىلىكتى اكىمدىك تە شىقتى. ءورتتىڭ شىعۋ سەبەبى انىقتالىپ جاتىر.