اقمولا تۇرعىنى ءوز-وزىنە قول جۇمسادى

14 جەلتوقساندا ەسىل اۋدانىنىڭ اۋىلدارىنىڭ بىرىندە قايعىلى وقيعا بولدى. اۋداندىق پوليتسيا بولىمىنە 60 جاستاعى اۋىل تۇرعىنى ءوز باسىنا وق اتىپ, سۋيتسيد جاساعانى تۋرالى اقپارات كەلىپ تۇسكەن. جەدەل-تەرگەۋ توبى الدىن الا انىقتاعانداي, وقيعا بولعان كۇنى مارقۇم جۇبايىنىڭ باس ايماعىن جاراقاتتاپ, ونى توقتاتپاق بولعان 20 جاستاعى ۇلىنا دەنە جاراقاتىن سالعان. وقيعا تۋرالى پوليتسياعا كورشىسى حابارلاعان. ول كۋاگەر بولعان. پوليتسيا قىزمەتكەرلەرى كەلگەنگە دەيىن ەر ادام ءوز-وزىنە قول جۇمساپ, باسىنا وق اتقان.

بۇل فاكتىلەر قازاقستان رەسپۋبليكاسى قك-ءنىڭ قك 24-بابى 3-بولىگى – 99-بابى 1-بولىگى بويىنشا (قىلمىسقا وقتالۋ جانە ادام ءولتىرۋ) جانە 105-بابى 1-بولىگى بويىنشا ء(وزىن-ءوزى ولتىرۋگە دەيىن جەتكىزۋ) سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىندە تىركەلگەن. تەرگەپ-تەكسەرۋ بارىسىندا وق اتىلعان تەگىس ۇڭعىلى اڭشىلىق مىلتىقتىڭ ءىىو-دا تىركەلگەنى انىقتالدى.

جۇبايىنىڭ ايتۋىنشا, وقيعا بولعان كۇنى كۇيەۋى ەكەۋىنىڭ اراسىندا ەشقانداي جانجال بولماعان. قازىرگى ۋاقىتتا قىلمىستىق ءىستى تەرگەۋ جالعاسىپ, پوليتسەيلەر ەر ادامدى وسى شاراسىز قادامعا يتەرمەلەگەن سەبەپتەردى انىقتاپ جاتىر.