تايلاند اسكەري-تەڭىز كۇشتەرىنىڭ جاۋىنگەرلىك كەمەسى سۋعا باتىپ كەتتى, دەپ حابارلايدى Egemen.kz.
تايلاند اسكەري-تەڭىز كۇشتەرىنىڭ حابارلاۋىنشا, 106 اسكەري قىزمەتكەرى بار HTMS Sukhothai كەمەسى قاتتى ەڭكەيىپ, سۋدىڭ ەداۋىر كولەمىن جيناپ العان, سودان كەيىن نەگىزگى بلوكتاردىڭ قۋات كوزىندە قىسقا تۇيىقتالۋ ورىن الىپ, قوزعالتقىشتار ءوشىپ قالعان.
كەمە باتىپ بارا جاتقاندا 106 ەكيپاج مۇشەسىنىڭ بارلىعى قۇتقارۋ كەۋدەشەلەرىن كيگەن. ونىڭ ىشىندە 75 تەڭىزشى قۇتقارىلدى, 31-ءى قازىر سۋدا قالدى. ىزدەۋ جۇمىستارىنا تىكۇشاقتار جۇمىلدىرىلدى.