«قۇقىقتىق ءتارتىپ» جەدەل-الدىن الۋ ءىس-شاراسىن وتكىزۋ بارىسىندا استانا قالاسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ پوليتسەيلەرى «گەروين» ەسىرتكى زاتىن وتكىزۋ ارناسىنىڭ قىزمەتىن توقتاتتى, دەپ حابارلايدى Egemen.kz Polisia.kz سايتىنا سىلتەمە جاساپ.
ۇلى دالا كوشەسىندە جەدەل ءىس-شارالار وتكىزۋ كەزىندە بۇرىن ەسىرتكى قىلمىسى ءۇشىن بىرنەشە رەت سوتتالعان 47 جاستاعى قالا تۇرعىنى ۇستالدى. كۇدىكتىنىڭ تۇرعىلىقتى جەرىن ءتىنتۋ بارىسىندا اس ءۇي تارتپاسىنان اقشىل ءتۇستى تۇيىرشىكتى كونسيستەنتسياسى بار پوليەتيلەن پاكەت جانە ەلەكتروندى تارازى تابىلدى.
زەرتتەۋ قورىتىندىسىنا سايكەس, تاركىلەنگەن زاتتار سالماعى 88,89 گرامم «گەروين» ەسىرتكى زاتى بولىپ تابىلادى.
«قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتى قاماۋعا الىندى», دەدى پد ەسىرتكى قىلمىسىنا قارسى ءىس-قيمىل باسعارماسىنىڭ باستىعى, پوليتسيا پولكوۆنيگى رۋستام گاسيزوۆ.